Python Found Behind Fridge In Mumbai: घरात तुम्ही निवांत पहुडलले असतात इतक्यात स्वयंपाकघरातून आवाज येतो. घरात मांजर किंवा पक्षी शिरला असेल या भ्रमात तुम्ही किचनमध्ये जाता आणि समोरचे दृश्य पाहून पायाखालची जमिनच हादरते. तुमच्या समोर अवघ्या काही फुटांवर महाकाय अजगर वेढा घालून बसलेला असतो. एखाद्या चित्रपटालाही लाजवेल असा प्रसंग मुंबईतील धारावीत घडला आहे.
धारावी येथे राहणाऱ्या रुकसाना शेख यांच्या घरात 11 फूट आणि 14 किलो वजन असलेला इंडियन रॉक पायथॉन सापडला आहे. अजगराने नुकताच एका सश्याचा फडसा पाडला होता व सुस्तपणे रुकसाना यांच्या घरात लपला होता. रुकसाना यांनी म्हटलं आहे की, त्यांच्या मध्यरात्री ३च्या आसपास मुलाला फ्रिजच्या मागून आवाज येत होता. आवाज कसला येतो हे पाहण्यासाठी तो हातात टॉर्च घेऊन किचनमध्ये गेला. फ्रिजच्या मागे जाऊन पाहताच त्याला महाकाय अजगर दिसला.
घरात अजगर पाहताच मुलाने आरडाओरडा करायला सुरुवात केली. मध्यरात्री घरात साप आढळल्याने एकच खळबळ माजली. शेख यांच्या घरात दोन ससे होते. त्यातील एक ससा गायब होता. अजगरानेच त्याची शिकार केल्याचे नंतर समोर आले. भल्या मोठ्या अजगराला पाहून कुटुंबीयांची भितीने गाळणच उडाली होती. कुटुंबीयांनी सर्पमित्राला बोलावले त्यानंतर त्यांची या कठिण परिस्थितीतून सुटका झाली.
Related News
मुलुंडमध्ये मराठी महिलेला कार्यालय भाड्यानं देण्यास नकार; राजकीय वर्तुळातून संतप्त प्रतिक्रिया
मुंबईतील प्रसिद्ध हँगिग गार्डन सात वर्षांसाठी बंद?; नेमकं कारण काय? जाणून घ्या
मुंबई विद्यापीठातील कर्मचाऱ्यांच्या गणेशोत्सव काळातील सुट्ट्या रद्द: अमित शहांच्या कार्यक्रमामुळे परिपत्रक काढून कामावर बोलावले
मुंबईचे दर्शन घडवणारी बस कायमची हद्दपार होणार; ‘या’ तारखेला असेल शेवटची सफारी
पालिकेच्या बसची कारला धडक, कारची अवस्था पाहून चालक संतापला, थेट तलवार काढली अन्…
ठाकरेंच्या खंद्या शिलेदाराची आत्महत्या, सुधीर मोरेंची धावत्या लोकलखाली उडी; अख्खी मुंबई हादरली!
दोन वर्ष घरातच कैद होती ८ वर्षांची मुलगी, सुटका होताच अवस्था पाहून नागपूर पोलीसही हळहळले
दुहेरी हत्याकांडाने यवतमाळ हादरले; सज्जनगड मठात आढळले दोन मृतदेह, गूढ कायम
रेल्वेत मुलाला नोकरी लावून देण्याचे पोलिसालाच दिले आमिष, पुढे घडले असे काही..
पत्नीला मधुमेह तरीही सतत मिठाई मागायची; वैतागलेल्या नवऱ्याने तिलाच संपवले
मी झोपेत असताना पती माझे ‘तसले’ फोटो काढायचा; पत्नीची पोलिसांत धाव
‘ये है बॉम्बे मेरी जान’; 73 वर्षांपूर्वीच्या Vintage Mumbai चा व्हिडिओ एकदा पाहाच!
वाइल्ड लाइफ अॅनिमल प्रोटेक्शन अँड रेस्कू असोसिएशन (अतुल कांबळे) यांनी दिलेल्या माहितीनुसार ज्या घरात अजगर सापडला त्याच्या बाजूलाच मीठी नदी वाहते. त्यामुळं घरात सहज अजगर घुसू शकला. या अजगराला पकडण्यासाठी खूप मेहनत घ्यावी लागली आहे, असं सर्पमित्रांनी सांगितलं आहे.
अजगर आक्रमक होता तो आधीपासूनच हल्ल्याच्या तयारीत होता. कारण त्याने तेव्हाच त्याची शिकार फस्त केली होती. त्यामुळं त्याला पकडणे आव्हानात्मक होते. कारण कधीही हल्ला करु शकत होता. मोठ्या मुश्कीलीने त्याच्यावर नियंत्रण ठेवत त्याला ताब्यात घेण्यात आलं आहे.
घरात दहशतीचे वातावरण
शनिवारी संध्याकाळी वनविभागाच्या अधिकाऱ्यांच्या उपस्थितीत अजगराला पुन्हा जंगलात सोडण्यात आले. मात्र, ज्या घरात अजगर आढळला होता तिथे अजूनही भितीचे वातावरण आहे. रुकसान शेख यांच्याबरोबरच त्यांची मुलंही घाबरले आहेत. मध्यरात्रीच साप आढळल्याने त्यांची पूर्ण झोपच उडाली आहे. इतकंच काय तर मुलांनी घरात येण्यासही नकार दिला आहे. ते शाळेतही गेले नाहीयेत.
