मुंबई : राज्यभरात काल (30 ऑगस्ट) रक्षाबंधनाचा (Raksha Bandhan 2023) सण पार पडला. सामान्यांपासून राजकारणातील भावंडांनी मोठ्या उत्साहात राखीपौर्णिमेचा सण साजरा केला. परंतु सुप्रिया सुळे (Supriya Sule) आणि अजित पवार (Ajit Pawar) या महाराष्ट्राच्या राजकारणातील प्रमुख भावंडांनी मात्र यंदा राखीपौर्णिमा साजरा केली नाही. उपमुख्यमंत्री अजित पवार बुधवारी दिवसभरात रक्षाबंधनासाठी सिल्वर ओक (Silver Oak) या शरद पवारांच्या निवासस्थानी गेलेच नाहीत. मात्र अजितदादा आज रक्षाबंधन साजरी करण्यासाठी येतील अशी आशा सुप्रिया सुळे यांना आहे.
अजित पवार संध्याकाळी सातपर्यंत अज्ञातस्थळी
प्रत्येक वर्षी पवार कुटुंबियांचा रक्षाबंधन सोहळा सिल्वर ओक निवासस्थानी पार पडतो. एरव्ही दुपारपर्यंत पवार कुटुंबाचा रक्षाबंधनाचा कार्यक्रम पार पडतो. परंतु काल दिवसभरात अजित पवार सिल्वर ओकवर गेले नाहीत. पक्षात फूट पडल्यानंतर अजित पवार आणि सुप्रिया सुळे यांचा हा पहिलाच रक्षाबंधनाचा सण होता. अजित पवार काल संध्याकाळी सात वाजेपर्यंत अज्ञातस्थळी असल्याची माहिती सूत्रांनी दिली होती. त्यानंतर साडेसात वाजता अजित पवार यांनी पक्षाच्या कोर कमिटीची प्रफुल्ल पटेल यांच्या वरळी येथील कार्यालयात बैठक घेतली.
Related News
अजित पवार IN पडळकर OUT: देवेंद्र फडणवीस यांच्या ‘सागर’ बंगल्यात अजितदादा एका गेटने आत, पडळकर दुसऱ्या गेटने बाहेर
मुख्यमंत्रिपदावरुन मोहित कंबोज यांचा अजित पवारांवर थेट वार, नंतर ट्वीट केलं डिलीट
कोणीही निवडणूक लढली तरी सुप्रिया सुळेच जिंकणार: संजय राऊत
राष्ट्रवादीच्या अजित पवार गटाच्या मुंबई अध्यक्ष निवडीबाबत सुनील तटकरेंची महत्त्वाची माहिती
अजित पवार लवकरात लवकर महाराष्ट्राचे मुख्यमंत्री होऊ दे, लालबागच्या राजाच्या चरणी चिठ्ठी अर्पण
राष्ट्रवादीच्या अजित पवार गटाच्या मुंबई अध्यक्षपदी समीर भुजबळ यांची वर्णी?
Loksabha Election 2024 : बारामतीत लोकसभेत चुरस रंगणार, नणंद विरुद्ध भावजय आमने सामने येणार
भाजपमध्ये आपल्याच कार्यकर्त्याची अवहेलना करण्याचा पॅटर्न; सुप्रिया सुळेंची टीका
अर्थखाते टिकेल की नाही, सांगता येत नाही: अजित पवार यांच्या वक्तव्याने राजकीय चर्चांनी धरला जोर
सुप्रिया सुळेंचा भाजपवर हल्लाबोल: ठाकरे, पवारांवरील महाराष्ट्राचे प्रेम भाजपला बघवत नाही
‘पवार साहेबांनी 3 वेळा कर्करोगाशी झुंज दिली अन्…’, शिवसेनेचा उल्लेख करत सुप्रिया सुळेंचा भाजपला टोला!
रुग्णालयांना निधी कमी पडू देणार नाही: राज्यातील आरोग्य यंत्रणा अधिक सक्षम करण्यासाठी शासन कटिबद्ध – उपमुख्यमंत्री अजित पवार
श्रीनिवास पवार सिल्वर ओकवर पण अजित पवारांनी जाणं टाळलं
विशेष म्हणजे अजित पवार यांचे बंधू श्रीनिवास पवार यांनी सिल्वर ओकवर जाऊन सुप्रिया सुळे यांच्यासोबत राखीपौर्णिमा साजरी केली. परंतु अजित पवार यांनी मात्र सिल्वर ओक निवासस्थानी जाणं टाळलं. त्यामुळे आज तरी अजित पवार रक्षाबंधन सोहळ्यासाठी सिल्वर ओकवर जाणार का याकडे राजकीय वर्तुळाचं लक्ष लागलं आहे.
दरवर्षीप्रमाणे रक्षाबंधनच्या निमित्ताने माझे बंधू श्रीनिवासबापू पवार यांचे औक्षण करुन त्यांना राखी बांधली. हा सण भाऊ-बहिणीचे नाते आणखी घट्ट करणारा आहे. आपणासही रक्षाबंधनच्या हार्दिक शुभेच्छा. pic.twitter.com/DHVN4oE0s4
— Supriya Sule (@supriya_sule) August 30, 2023
हेही वाचा
पंकजा मुंडे आणि धनंजय मुंडे यांचं तब्बल 13 वर्षांनी एकत्रित रक्षाबंधन
