Minor Girl Rape Case In Thane: ठाण्यात बाप-लेकीच्या नात्याला काळिमा फासणारी घटना घडली आहे. नराधम बापाने पोटच्या मुलीवर वारंवार बलात्कार केल्याचा धक्कादायक प्रकार समोर आला आहे. पीडित मुलीच्या आईला हा प्रकार समजताच तिने पोलिसात धाव घेत बापाविरोधात तक्रार दाखल केली मात्र, तक्रार दाखल झाल्याचे कळताच नारधमाने रेल्वे खाली उडी घेत आत्महत्या केल्याचं समोर आलं आहे,
पोलिसांनी दिलेल्या माहितीनुसार, 40 वर्षीय नराधम बापाने 11 वर्षीय मुलीवर बलात्कार केला आहे. ठाणे जिल्ह्यातील बदलापूर येथे ही घटना घडली आहे. पीडितेची आई ही दुबईला असते तर वडिल रिक्षाचालक आहे. दोघांचाही प्रेमविवाह झाला होता. मात्र दोघांत सतत वाद व्हायचे. आरोपी घराकडे दुर्लक्ष करायचा याच कारणामुळं पीडीतेची आई दुबईला कामानिमित्त राहत होती. तर, दोन मुलांची जबाबदारी नवऱ्यावर सोपवली होती.
सहा महिने तरुणीवर अत्याचार
पीडित अल्पवयीन तरुणीची आई दुबईला कामानिमित्त असताना आरोपी बापाने 26 जुलै 2022 ते 15 ऑक्टोबर 2023 पर्यंत आपल्याच मुलीवर वारंवार अत्याचार केले. गेल्या सहा महिन्यांपासून तो तिच्यावर बलात्कार करत होता. तसंच, मुलीला कोणालाही न सांगण्याची धमकी दिली होती. सहा महिने पीडित मुलगी हा त्रास सहन करत होती.
Related News
नाश्ता मिळाला नाही म्हणून मुलाने सोडलं घर; रेल्वेरुळाशेजारी सापडला मृतदेह
स्कूटरला धडक देणारी कारच घेऊन पळाला तरुण, पुण्यातल्या बाणेर येथील अजब घटना
‘त्या’ पोलीस कर्मचाऱ्याला अटक करुन आणा’; कोर्टाने दिले आदेश
घरात अघोरी पूजा, गुप्तधन शोधण्यासाठी खड्डा खोदला अन् तिथेच घात झाला, एकाचा मृत्यू
‘माझा मुलगा गेलाय, डीजे लावू नका!’ म्हणणाऱ्या बापाला 21 जणांकडून बेदम मारहाण
पालघरः काळ्या जादूची भिती घालून महिलेवर वारंवार सामूहिक बलात्कार, पतीच्या मित्रांनीच केले घृणास्पद कृत्य
केस कापायला पैसे दिले नाहीत म्हणून पतीची पत्नीला पट्ट्याने मारहाण; पुण्यातील विचित्र प्रकार
‘तुम सेक्स करोगी?’ घरात घुसून स्विगी डिलिव्हरी बॉयकडून तरुणीचा विनयभंग; पुण्यातील धक्कादायक प्रकार
ढोल ताशा पथकात जातो म्हणून पुणेकर आजीची नातवाला पाईपने मारहाण; पुण्यातील अजब प्रकार
मित्राची बाजू घेतली म्हणून जिगरी मित्रांनीच तरुणाला संपवलं; नाशिकमधील खळबळजनक प्रकार
पुण्यातलं हे अपहरण प्रकरण स्पर्धां परीक्षांचा प्रश्न ठरु शकतं इतकं कॉम्पलिकेटेड; 6 जणांच्या अटकेनंतर खुलासा
गर्भवती प्रेयसीचा गोळ्या देऊन गर्भपात, प्रकृती खालावताच BF फरार, जालन्यातील ‘ते’ कॅफे पुन्हा चर्चेत
आजीशी बोलताना सत्य समोर आलं
दरम्यान, काही दिवसांपूर्वी अल्पवयीन तरुणी तिच्या आजीकडे गेली होती. मात्र तिथे ती सातत्याने आजारी पडत होती. त्यामुळं तिला कारण विचारताच तिने घडलेला सगळा प्रकार आजीला सांगितला. आजीने तात्काळ ही घटना पीडितेच्या आईला सांगितली. पीडितेची आई दुबईहून परतल्यानंतर बदलापूर स्थानकात धाव घेतली व मुलीसोबत घडलेल्या घटनेची माहिती दिली. 26 ऑक्टोबर 2023 रोजी नराधमाविरोधात तक्रार दाखल केली आहे. मात्र तक्रार दाखल होताच आरोपीने रेल्वे रुळाखाली उडी घेत आत्महत्या केली आहे. पोलिसांना रेल्वे रुळावर आरोपी बापाचा मृतदेह आढळला आहे.
गुन्हा दाखल होताच रेल्वेखाली आत्महत्या
वरिष्ठ पोलीस निरीक्षक अरुण क्षीरसागर यांनी दिलेल्या माहितीनुसार, आईच्या तक्रारीवरुन 26 ऑक्टोबर रोजी गुन्हा दाखल करत बदलापूर पश्चिम पोलिसांनी आरोपी वडिलाचा शोध घ्यायला सुरुवात केली. पण गुन्हा दाखल झाल्यानंतर त्याच दिवशी आरोपीने रेल्वेखाली आत्महत्या केल्याचं पोलीस तपासात समोर आलं आहे.
