Australia Squad For ODI Series: एशिया कपमधल्या शानदार विजयानंतर भारतीय संघ (Team India) आता मायदेशात ऑस्ट्रेलियाला (Australia) भिडणार आहे. भारताविरुद्धच्या तीन एकदिवसीय सामन्यांच्या मालिकेसाठी ऑस्ट्रेलिया संघाची (Australia Squad) घोषणा करण्यात आली आहे. 18 खेळाडूंच्या ऑस्ट्रेलियन संघाच्या कर्णधारपदाची धुरा पॅट कमिंसकडे (Pat Cummins) सोपवण्या आली आहे. दुखापतीमुळे कमिंस दक्षिण आफ्रिका दौऱ्यातून बाहेर होता. ऑस्ट्रेलियन संघातील एक महत्त्वाचा बदल म्हणजे हुकमी फलंदाज ट्रेविस हेडला या संघात संधी देण्यात आलेली नाही. दक्षिण आफ्रिकेविरुद्धच्या चौथ्या एकदिवसीय सामन्यात ट्रेविस हेडच्या डाव्या हाताला फ्रॅक्चर झाला होता. हेडच्या जागी संघात मॅथ्यू शॉर्टला ऑस्ट्रेलियन संघात जागा मिळालीय.
या खेळाडूंचं पुनरागम
ऑस्ट्रेलियन संघात ग्लेन मॅक्सवेल, स्टिव्ह स्मिथ आणि मिचेल स्टार्क या खेळाडूंचंही पुनरागमन झालं आहे. दुखापतीमुळे हे तीनही खेळाडू संघाबाहेर होते. दक्षिण आफ्रिका दौऱ्यालाही त्यांना मुकावं लागलं होतं. टीम लाबूशेनलाही संघात स्थान देण्यता आलं होतं. दक्षिण आफ्रिका दौऱ्यात लाबूशेनने जबरदस्त कामगिरी केली होती. तर अष्टपैलू खेळाडू एश्टन एगर कौटुंबिक कारणामुळे भारत दौऱ्यावर येणार नाही.
दक्षिण आफ्रिका दौऱ्यात तीन एकदिवसीय सामन्यांच्या मालिकेत ऑस्ट्रेलिया आणि दक्षिण आफ्रिकेने प्रत्येकी एक सामना जिंकलाय. दुसऱ्या सामन्यात दक्षिण आफ्रिकेने ऑस्ट्रेलियन गोलंदाजांची चांगलीच धुलाई केली होती.
Related News
Glenn Maxwell Catch : पापणी पण लवली नाय अन् मॅक्सवेलने घेतला खतरनाक कॅच; पाहा Video
डेव्हिड वॉर्नर अचानक उजव्या हाताने का खेळू लागला? ऑस्ट्रेलियन खेळाडूचा खुलासा, म्हणाला ‘त्याला फार…’
तिसऱ्या वन डेत रोहित-विराट-हार्दिकची एन्ट्री, अशी आहे Playing XI… हे खेळाडू बाहेर
बाऊंड्रीलाईनवर कायम हातात ब्रश घेऊन दिसणारा ‘हा’ माणूस आहे Team India चा आधार; त्याचं काम माहितीये?
IND vs AUS: दुसरी वन डे ‘या’ खेळाडूंसाठी शेवटची संधी, वर्ल्ड कपमधलं स्थानही धोक्यात
‘तुम्ही ICC Ranking मधे अव्वल असलात तरी…,’ World Cup आधी गौतम गंभीरचा भारतीय संघाला सल्ला
रविचंद्रन आश्विनचा निशाणा कोणावर? म्हणतो ‘मी टॅटू असलेला खेळाडू नसलो तरी..’
World Cup 2023: या फ्लॉप खेळाडूची टीम इंडियातली जागा पक्की, वर्ल्ड कपमध्येही खेळणार
World Cup 2023 | “टीम इंडिया वर्ल्ड कप जिंकेल पण…”, कपिल देव यांची मोठी भविष्यवाणी!
IND vs AUS : ज्याची भीती होती तेच झालं, वर्ल्ड कपपूर्वी ऑस्ट्रेलियाला जोर का झटका!
‘तुम्ही मोहम्मद सिराजलाच काय ते विचारा…’, श्रद्धा कपूरच्या स्टेटसमुळे चर्चांना उधाण
मोहम्मद सिराजला SUV गिफ्ट करा, चाहत्याच्या मागणीवर आनंद महिंद्रा स्पष्टच बोलले; ‘आधीच…’
22 सप्टेंबरपासून मालिका
भारत-ऑस्ट्रेलियादरम्यान तीन एकदिवसीय सामन्यांची मालिका खेळवली जाणार असून यातला पहिला एकदिवसीय सामना 22 सप्टेंबरला मोहालीत खेळवला जाणार आहे. दुसरा सामना 24 सप्टेंबरला इंदोरमध्ये तर मालिकेतला तिसरा एकदिवसीय सामना 27 सप्टेंबरला राजकोटमध्ये खेळवला जाणार आहे. एकदिवसीय मालिकेनंतर भारत आणि ऑस्ट्रेलियाचा संघ थेट एकदिवसीय विश्वचषक स्पर्धेत खेळताना दिसणार आहेत. विशेष म्हणजे विश्वचषक स्पर्धेत टीम इंडिया पहिला सामना ऑस्ट्रेलियाविरुद्धच खेळणार आहे. 8 ऑक्टोबरला चेन्नईवर हो दोनही संघ आमने सामने येतील.
एकदिवसीय मालिकेसाठी ऑस्ट्रेलियाचा संघ : पॅट कमिंस (कर्णधार), सीन एबॉट, एलेक्स कॅरी, नाथन एलिस, कॅमरुन ग्रीन, जोश हेजलवुड, जोश इंग्लिस, स्पेंसर जॉनसन, मार्नस लाबुशेन, मिचेल मार्श, ग्लेन मॅक्सवेल, तनवीर संघा, मॅथ्यू शॉर्ट, स्टीव स्मिथ, मिचेल स्टार्क, मार्कस स्टोइनिस, डेविड वॉर्नर, एडम जाम्पा.
भारत-ऑस्ट्रेलिया एकदिवसीय मालिका वेळापत्रक
पहिला एकदिवसीय सामना – 22 सप्टेंबर – मोहाली
दूसरा एकदिवसीय सामना – 24 सप्टेंबर – इंदौर
तिसरा एकदिवसीय सामना – 27 सप्टेंबर – राजकोट
