World Cup 2023 Final IND vs AUS : अहमदाबादच्या नरेंद्र मोदी स्टेडिअमवर वर्ल्डकपचा अंतिम सामना सुरु झाला आहे. वर्ल्डकप जिंकण्यासाठी भारतीय संघ मैदानात उतरला आहे. मात्र त्याआधीच फॉर्मात असलेल्या मोहम्मद शमीसाठी (mohammed shami) वाईट बातमी आली आहे. भारतीय संघाचा वेगवान गोलंदाज मोहम्मद शमीची आई अंजुम आरा यांची प्रकृती खालावली आहे. त्यामुळे मोहम्मद शमी याची चिंता वाढली आहे. शमीच्या आईला रुग्णालयात दाखल करण्यात आलं असून त्यांच्यावर सध्या उपचार सुरु आहेत.
भारताचा वेगवान गोलंदाज मोहम्मद शमी अहमदाबादमध्ये ऑस्ट्रेलियाविरुद्ध वर्ल्डकपचा अंतिम सामना खेळणार आहे. मात्र सामना सुरु होण्यापूर्वीच मोहम्मद शमीसाठी वाईट बातमी आली आहे. शमीच्या आईची तब्येत अचानक बिघडली आहे. शमी यांच्या आईला उत्तर प्रदेशाती अमरोहा येथील रुग्णालयात दाखल करण्यात आले आहे. शमीची आई अंजुम आराची तब्येत का बिघडली याची माहिती समोर आलेली नाही. सध्या शमीची बहीण त्यांच्यासोबत रुग्णालयात आहे. तर शमीचा मोठा भाऊ हबीब आणि पुतणे वर्ल्डकप फायनल पाहण्यासाठी अहमदाबादला पोहोचले आहेत.
सकाळीच आईसोबत साधला होता संवाद
Related News
IND vs AUS Final: पुन्हा खेळवली जाणार वर्ल्डकप फायनल? कांगारूंनी केलेल्या चिटींगनंतर ICC चा निर्णय?
Mohammed Shami : जखमी असतानाही शमी वर्ल्ड कप खेळला? मुंबईतील डॉक्टरांचा धक्कादायक रिपोर्ट समोर!
अजिंक्य रहाणे, चेतेश्वर पुजाराच्या क्रिकेट कारकिर्दीचा The End, ‘या’ युवा खेळाडूंनी घेतली जागा
‘गौतम गंभीरने मला मिस्ड कॉल…’, अभिनेत्री पायल घोषचे सनसनाटी आरोप, म्हणते ‘इरफानला डेट करत असताना…’
रोहित-विराट ड्रेसिंग रूममध्ये ढसाढसा रडले: वर्ल्ड कपच्या पराभवानंतर काय झाले?, अश्विन म्हणाला- जिंकणे नशिबात नव्हते
‘पंतप्रधानांनी ड्रेसिंग रुममध्ये जाणं हे काही..’; मोदींचा उल्लेख करत रवी शास्त्री स्पष्टच बोलले
आधी लात मारून हाकललं, सिलेक्शनमध्येही घोटाळा.. वर्ल्ड कपनंतर मोहम्मद शमीचा गौप्यस्फोट
विश्वचषकानंतर आयसीसी एकदिवसीय क्रमवारीत मोठा उलटफेर, कोहलीची ‘विराट’ झेप
‘तो बाद झाल्यानंतर…’; सूर्यकुमार यादवच्या संथ खेळीमुळे रोहित शर्माला खावी लागली बोलणी
भारत World Cup Final का हरला? अखिलेश यादव जाहीर सभेत म्हणाले, ‘..तर भगवान विष्णू..’
Mohammed Shami ला म्हणायचं काय? वर्ल्ड कपनंतर खळबळजनक खुलासा, म्हणतो ‘मला सांगितलं होतं पहिल्या मॅचपासून…’
भारत स्लो पिचमुळे फायनल हरला का?: फायनलपूर्वी 4 सामने स्लो पिचवर खेळले गेले, चारही जिंकले, स्कोर पहा
दुसरीकडे, प्रकृती ढासळण्यापूर्वी शमीच्या आईने सकाळीच भारतीय संघाच्या विजयासाठी प्रार्थना केली होती. विश्वचषक फायनलबाबत शमीच्या गावात उत्सवाचे वातावरण आहे. प्रसारमाध्यमांशी संवाद साधताना तो म्हणाला की, संपूर्ण देश आपला मुलगा मोहम्मद सिम्मीचे कौतुक करत आहे. त्याच्या नावाची सर्वत्र चर्चा होत आहे. सिम्मी खूप छान खेळला आहे. सारा देश जल्लोष करत असताना, मी त्याची आई आहे, माझे काय होणार? इन्शाअल्लाह भारत विश्वचषक जिंकेल. सिम्मी चांगली कामगिरी करेल. आज सकाळीच शमीशी बोललो होते आणि त्याने सर्वांची चौकशी केली, असे अंजुम आरा यांनी म्हटलं होतं.
“जेव्हा तुम्ही चांगली कामगिरी करता आणि देशासाठी खेळता तेव्हा तुम्हाला नक्कीच अभिमान वाटतो. इंशाअल्लाह शमीला नक्कीच यश मिळेल. आमच्या प्रार्थना त्याच्या पाठीशी आहेत. आम्हाला आशा आहे की शमीला नक्कीच यश मिळेल आणि तो भारताच्या विजयात महत्त्वाची भूमिका बजावेल. मी शमीचा संपूर्ण सामना पाहते. तो चांगली कामगिरी करत आहे याचा मला खूप आनंद वाटतो. अंतिम फेरीत भारताला चॅम्पियन बनवण्यात तो नक्कीच महत्त्वाची भूमिका बजावेल,” असेही अंजुम आरा म्हणाल्या होत्या.
#WATCH उत्तर प्रदेश: क्रिकेटर मोहम्मद शमी की मां अंजुम आरा ने कहा, “भगवान बच्चों (भारतीय क्रिकेट टीम) को जिताएं और उन्हें खुशी से घर वापस लाएं…” pic.twitter.com/XDwnxV93C5
— ANI_HindiNews (@AHindinews) November 18, 2023
दरम्यान, अहमदाबादच्या नरेंद्र मोदी स्टेडियमवर भारत आणि ऑस्ट्रेलिया यांच्यात वर्ल्ड कपचा अंतिम सामना खेळला जात आहे. भारतीय संघाने या स्पर्धेत आतापर्यंत एकही सामना गमावलेला नाही. भारताने आतापर्यंत 10 सामने खेळले असून ते सर्व जिंकले आहेत. न्यूझीलंडविरुद्धच्या उपांत्य फेरीच्या सामन्यात मोहम्मद शमी विजयाचा हिरो ठरला होता. या सामन्यात त्याने 7 विकेट घेत इतिहास रचला होता.
