महातंत्र ऑनलाईन डेस्क : यंदाच्या वन-डे वर्ल्डकप स्पर्धेत नेदरलॅन्डला कोणी जमेत धरले नव्हते. मात्र बलाढ्य द. आफ्रिकेचा पराभव करत आपले त्यांनी आपले स्पर्धेतील आस्तित्व सिध्द केले. यानंतर बांगलादेशविरूद्दच्या सामन्यात 87 धावांनी दुसरा विजय मिळवला आहे. स्पर्धेत नवख्या नेदरलॅन्डची आत्तापर्यतची कामगिरी गतविजेत्या इंग्लंडपेक्षाही भारी ठरली आहे. आजच्या तारखेला स्पर्धेत सहापैकी दोन सामने जिंकत गतविजेत्या इंग्लंडपेक्षा सरस कामगिरी नेदरलॅन्डने केली आहे. इंग्लंडने स्पर्धेत 5 सामने खेळत केवळ एकच विजय मिळवला आहे. तर नेदरलन्डने 6 सामन्यात दोन विजय मिळवत दोन गुण आपल्या नावावर केले आहेत. या विजयामुळे नेदरलॅन्ड गुणतालिकेत आठव्या स्थानी पोहचला आहे. तर इंग्लंड आणि बांगलादेश तळात गेले आहेत. (BAN vs NED)
नेदरलॅन्डने दिलेल्या आव्हानाचा पाठलाग करताना बांगलादेशचा डाव 142 धावांवर आटोपला. यामध्ये बांगलादेशच्या मेहदी हसन मिराजने सर्वाधिक 35 धावा केल्या. तर नेदरलॅन्डकडून पॉल व्हॅन मीकरेनने सर्वाधिक 4 विकेट घेतल्या.
त्तपूर्वी, सामन्यात नेदरलँडने नाणेफेक जिंकत प्रथम फलंदाजी करण्याचा निर्णय घेतला होता. फलंदाजी करताना नेदरलँडचा डाव 50 षटकांत 229 धावांवर गुंडाळला. यामध्ये कर्णधार स्कॉट एडवर्ड्सने शानदार अर्धशतक झळकावले. त्याने 89 चेंडूत 68 धावा केल्या. त्याच्याशिवाय वेस्ली बॅरेसीने 41 आणि सायब्रँडने 35 धावांचे योगदान दिले. लोगान व्हॅन बीकने नाबाद 23, बास डी लीडेने 17 आणि कॉलिन अकरमनने 15 धावा केल्या. आर्यन दत्त नऊ, शरीझ अहमद सहा आणि विक्रमजीत सिंग तीन धावा करून बाद झाला. मॅक्स ओडाड आणि पॉल व्हॅन मीकरेन यांना खातेही उघडता आले नाही. बांगलादेशकडून शरीफुल इस्लाम, तस्किन अहमद, मुस्तफिजुर रहमान आणि महेदी हसन यांनी प्रत्येकी दोन गडी बाद केले. शकीब अल हसनला यश मिळाले. (BAN vs NED)
Netherlands pulled off yet another stellar win in #CWC23 as they beat Bangladesh at Eden Gardens 🤩#NEDvBAN 📝: https://t.co/GrSfCMbzj2 pic.twitter.com/KExeIXi226
— ICC (@ICC) October 28, 2023
हेही वाचा :
