India vs Australia Third ODI In Rajkot: भारत आणि ऑस्ट्रेलियादरम्यान इंदूरच्या मैदानामध्ये झालेल्या 3 एकदिवसीय सामन्यांच्या मालिकेतील दुसरा सामना भारताने 99 धावांनी जिंकला. या सामन्यामधील सर्वात सकारात्मक बाब म्हणजे भारताचा मधल्या फळीतील फलंदाज श्रेयस अय्यरला सूर गवसला. तसेच या सामन्यामध्ये भारताचा सलामीवीर शुभमन गिलनेही खणखणीत शतक झळकावलं. शुभनचं हे यंदाच्या वर्षातील 5 वं शतक ठरलं आहे. पहिल्या एकदिवसीय सामन्यामध्ये शुभमनने अर्धशतक झळकावलं होतं. असं असतानाच आता भारतीय संघ व्यवस्थापनाने वर्ल्डकपआधीच तिसऱ्या सामन्याआधी शुभमनसंदर्भात मोठा निर्णय घेतला आहे.
…म्हणून घेण्यात आला निर्णय
भारताने ऑस्ट्रेलियाविरुद्धच्या 3 सामन्यांच्या मालिकेमध्ये 2-0 ची विजयी आघाडी मिळवली आहे. या मालिकेतील तिसरा सामना 27 सप्टेंबर रोजी राजकोटमधील सौराष्ट्र क्रिकेट असोसिएशनच्या स्टेडियमवर खेळवला जाणार आहे. मात्र या सामन्यामध्ये भारताचा सलामीवीर शुभनम गील आणि शार्दुल ठाकूर खेळणार नाही. हे दोघेही गुवाहाटीमध्ये भारतीय संघाच्या चमूमध्ये 28 सप्टेंबर रोजी सहभागी होतील असं सांगण्यात आलं आहे. या दोघांनाही आराम देण्याचा निर्णय घेण्यात आला आहे. वर्ल्डकपआधी या दोघांना विश्रांती देण्यासाठी निर्णय संघ व्यवस्थापनाने घेतला आहे. भारतीय संघ 5 सप्टेंबरपासून सुरु होणाऱ्या एकदिवसीय क्रिकेटच्या वर्ल्डकप स्पर्धेआधी 30 सप्टेंबर रोजी गुवाहाटीमध्ये इंग्लंडविरुद्ध सराव सामना खेळणार आहे.
शुभनची दमदार कामगिरी
पहिल्या दोन्ही एकदिवसीय सामन्यांमध्ये गिलने त्याच्या कामगिरीमुळे भारताच्या विजयामध्ये मोलाचं योगदान दिलं आहे. पहिल्या सामन्यातील अर्धशतक आणि दुसऱ्या सामन्यातील शतकाचा भारताला फायदा झाला आहे. 24 वर्षीय गिलने यंदाच्या वर्षातील पाचवं शतक झळकावलं आहे. त्याने 2 शतकं न्यूझीलंडविरुद्ध आणि प्रत्येकी एक बांगलादेश, श्रीलंका, ऑस्ट्रेलियाविरुद्ध झळकावलं आहे. शुभमनने यंदाच्या वर्षी 20 डावांमध्ये 72.35 च्या सरासरीने 105.03 स्ट्राइक रेटने 1230 धावा केल्या आहेत. एकदिवसीय क्रिकेटमध्ये कोणत्याच फलंदाजाने एवढ्या धावा केलेल्या नाहीत.
Related News
ICCने विश्वचषक 2023 ची अंतिम खेळपट्टी चांगली मानली नाही: ऑस्ट्रेलियाने जेतेपद पटकावले होते, अहमदाबादसह 5 खेळपट्ट्यांना सरासरी रेटिंग
Virat Kohli: टी-20 WC मधून विराटची होणार हकालपट्टी? BCCI च्या पसंतीचा ‘हा’ खेळाडू घेणार कोहलीची जागा?
टीम इंडियात सलामीसाठी तगडी चुरस, 3 वर्षात 32 ओपनर्स… पाहा कोणाचं पारडं जड
Kane Williamson: …आणि हसतमुख केनच्या चेहऱ्याचा रंगच उडाला; सामन्यात नेमकं असं काय घडलं?
Shubman Gill : सारा नव्हे तर लंडनमध्ये ‘या’ अभिनेत्रीसोबत दिसला शुभमन गिल; काय आहे प्रकरण?
‘विराटला कॅप्टन्सीवरून मी हटवलं नाही तर…’, सौरव गांगुलीचा सनसनाटी खुलासा!
IND vs AUS Final: पुन्हा खेळवली जाणार वर्ल्डकप फायनल? कांगारूंनी केलेल्या चिटींगनंतर ICC चा निर्णय?
MS Dhoni : धोनीने दिलेला ‘तो’ सल्ला कामी आला, कॅप्टन शाई होपने असा पलटला सामना!
IND Vs AUS 5th T20i : टीम इंडियाचा शेवट गोड! रोमांचक सामन्यात कांगारूंचा पराभव; अर्शदीप ठरला गेम चेंजर
IPL 2024 च्या Auction ची तारीख ठरली! ‘या’ खेळाडूंना लागणार लॉटरी; जाणून घ्या खेळाडूंची बेस प्राईज
टीम इंडियाचा ‘हा’ वेगवान गोलंदाज बंगळुरू T20 मधून बाहेर? कॅप्टन सुर्यकुमार घेणार कठोर निर्णय
IND Vs AUS मालिकेतील 5 वा T20 आज: ऑस्ट्रेलियाविरुद्ध प्रथमच मालिकेत 4 सामने जिंकण्याची भारताला संधी
शार्दुल ठरला अपयशी
दुसरीकडे, शार्दुल ठाकूरला ऑस्ट्रेलियाविरुद्धच्या एकाही सामन्यामध्ये एकही विकेट घेता आली नाही. शार्दुल ठाकूरला या दोन्ही सामन्यांमध्ये फलंदाजीची संधीही मिळाली नाही.
संघ बदलणार
भारत आणि ऑस्ट्रेलियादरम्यान एकदिवसीय विश्वचषक स्पर्धेआधी खेळवण्यात येत असलेल्या 3 एकदिवसीय सामन्यांच्या मालिकेतील शेवटचा सामन्यामध्ये वेगळाच संघ खेळणार आहे. पहिल्या 2 सामन्यांसाठी रोहित शर्मा, विराट कोहली, हार्दिक पंड्या, कुलदीप यादव, विराट कोहलीला आराम देण्यात आला होता. मात्र शेवटच्या सामन्यात हे सर्व खेळाडू खेळणार आहेत.
तिसऱ्या सामन्यासाठी भारतीय संघ:
रोहित शर्मा (कर्णधार), हार्दिक पंड्या (उपकर्णधार), विराट कोहली, शुभमन गिल, श्रेयस अय्यर, सूर्यकुमार यादव, केएल राहुल (विकेटकीपर), ईशान किशन (विकेटकीपर), रवींद्र जडेजा, शार्दुल ठाकुर, अक्षर पटेल (दुखापतीमधून बरा झाला तर), वॉशिंगटन सुंदर, कुलदीप यादव, रविचंद्रन अश्विन, जसप्रीत बुमराह, मोहम्मद शमी आणि मोहम्मद सिराज.
