Neeraj Chopra Classic Act Video: ऑपिम्पिक 2020 मध्ये सुवर्णपदावर नाव कोरणारा भारताचा गोल्डन बॉय नीरज चोप्राने (Neeraj Chopra) पुन्हा एकदा ऐतिहासिक कामगिरी केली आहे. नीरज चोप्राने वर्ल्ड अॅथलेटिक्स चॅम्पियनशीप 2023 मध्ये (World Athletics Championships) सुवर्णपदक जिंकलं आहे. या स्पर्धेत सुवर्णपदक जिंकणारा नीरज चोप्रा पहिलाच भारतीय खेळाडू ठरला आहे. नीरज चोप्राने 88.17 मीटर दूर भाला फेकत सुवर्णपदकावर नाव कोरलं. हंगेरीमधील बुडापेस्ट येथील स्पर्धेत जेतेपद मिळवल्यानंतरही नीरजचे पाय जमीनीवर आहेत हे दाखवणारा एक प्रसंग सोशल मीडियावर व्हायरल झाला आहे. भारतीय राष्ट्रध्वजाबद्दल नीरजने आपल्या कृतीतून आदर व्यक्त केला असून अनेकांनी यासाठी त्याच्यावर कौतुकाचा वर्षाव केला आहे.
ती चाहती त्याच्याजवळ आली अन्…
नीरजने सुर्णपदक जिंकल्यानंतर अनेकांनी त्याच्यावर अभिनंदनाचा वर्षाव केला. मैदानामध्येही अनेक चाहत्यांनी त्याच्याबरोबर फोटो काढले. त्याच्या स्वाक्षऱ्या घेतल्या. हिंदी भाषेत उत्तमपणे संवाद साधू शकणारी एक हंगेरीयन महिलाही या चाहत्यांमध्ये होती. ही महिला नीरज जवळ आली आणि तिने नीरजकडे ऑटोग्राफ मागितला. नीरजने ऑटोग्राफ देण्यास होकार दिला. मात्र त्यानंतर त्याला समजलं की ही महिला भारतीय राष्ट्रध्वजावर स्वाक्षरी मागत आहे. “वहा नही साईन कर सकता” असं नीरजने या चाहतीला अगदी प्रेमाने सांगितलं. अखेर त्या महिलेने तिने परिधान केलेल्या जर्सीच्या उजव्या बाहीवर नीरजची स्वाक्षरी घेतली. नीरजला भेटता आल्याने आणि त्याने स्वाक्षरी दिल्याने ही चाहती भलतीच खूश होती.
कौतुकाचा वर्षाव
नीरजच्या या कृतीमुळे त्याच्यावर कौतुकाचा वर्षाव होत आहे. नीरज हा मैदानावर आणि मैदानाबाहेरही त्याच्या वागण्याने चाहत्यांचं मन जिंकत आहे, असं काहींनी म्हटलं आहे.
Related News
नीरज चोप्राने डायमंड लीगमध्ये जिंकले सिल्व्हर मेडल: 83.80 मीटर भालाफेक करून दुसरे स्थान पटकावले
Diamond League : Neeraj Chopra ला ‘डायमंड’ जिंकण्यात अपयश, रौप्यपदकाला गवसणी
नीरज चोप्रा डायमंड लीगच्या अंतिम फेरीसाठी पात्र: झुरिचमध्ये 85.71 मीटर भालाफेक करून पटकावला दुसरा क्रमांक
‘इंडिया दा मुंडा गोल्ड जीत्या ते…’; नीरज चोप्राने Gold जिंकताच नदीमच्या वडिलांची प्रतिक्रिया
‘तुमच्या मुलाने पाकिस्तानच्या खेळाडूला हरवलंय’, प्रश्न ऐकताच नीरज चोप्राच्या आईचं सुंदर उत्तर, ‘जर अर्शद जिंकला असता…’
PAK अ‍ॅथलीटने तिरंग्याबरोबर दिली फोटोसाठी पोझ: सुवर्णविजेता नीरजने बोलावले तर फोटो सेशनसाठी आला रौप्य विजेता नदीम
फक्त पदकच नाही, तर मनही सोन्याचं! विजयानंतर नीरज चोप्राचं ‘ते’ कृत्य पाहून पाकिस्तानही भारावला
नीरज चोप्राने पुन्हा एकदा ऐतिहासिक भाला फेकला: पानिपतच्या खांद्रा गावात रात्री उशिरा लाडूंचे वाटप; वडील म्हणाले- निज्जूने देशाच्या अपेक्षा पूर्ण केल्या
नीरज चोप्राने वर्ल्ड चॅम्पियनशिपमध्ये जिंकले सुवर्णपदक: 40 वर्षांच्या इतिहासात प्रथमच भारतीयाने सुवर्ण, तर पाकिस्तानच्या नदीमने जिंकले रौप्यपदक
‘लोक फक्त म्हणायचे की…’ सुवर्णपदक जिंकल्यानंतर नीरज चोप्राची पहिली प्रतिक्रिया
नीरज चोप्राचे एकाच भाल्यात दोन लक्ष्य, World Championship फायनलमध्ये; पॅरिस ऑलिम्पिकसाठीही पात्र
नीरज चोप्रा पॅरिस ऑलिम्पिकसाठी पात्र: जागतिक अॅथलेटिक्स चॅम्पियनशिपमध्ये 88.77 मीटर थ्रो; अंतिम फेरी गाठली
1)
A very sweet Hungarian lady (who spoke excellent Hindi btw) wanted a Neeraj Chopra autograph. Neeraj said sure but then realised she meant on the flag. ‘Waha nahi sign kar sakta’ Neeraj tells her. Eventually he signed her shirt sleeve. She was pretty happy all the same. pic.twitter.com/VhZ34J8qH5
— jonathan selvaraj (@jon_selvaraj) August 28, 2023
2)
This is Neeraj Chopra, Olympic Gold Medalist.
After winning the #WorldAthleticsChamps in Budapest yesterday, A hungarian fan came to him with an Indian flag and asked him to sign it for her.
Subedar Neeraj Chopra humbly denied and said “ Sorry Mam, it is a violation of my flag… pic.twitter.com/mc7afI6h4e
— Roshan Rai (@RoshanKrRaii) August 28, 2023
3)
A Hungarian lady wanted Neeraj Chopra’s autograph on the Indian flag, Neeraj denied her and said ‘I cannot sign it on the flag’. Later he signed it on the lady’s tshirt sleeves. (Sportstar).
– The respect and admiration Neeraj has for the Indian flag! pic.twitter.com/tei4Xsy4fM
— Mufaddal Vohra (@mufaddal_vohra) August 28, 2023
पाकिस्तानी प्रतिस्पर्धाबरोबर काढला फोटो
सामन्यानंतर नीरज चोप्रा आणि त्याचा पाकिस्तानी प्रतिस्पर्धी अर्शद नदीम फोटोसाठी एकत्र आले होते. दोन देशांमधील वाद विसरत दोन्ही खेळाडूंनी एकत्र येत केलेलं हे फोटोशूट अनेकांचं मन सुखावणारं होतं. विशेष म्हणजे, नीरज चोप्राने फोटो काढला जात असताना अर्शद नदीमला बोलावलं. त्याच्या या कृत्याने नेटकरी भारावले असून, सर्वांची मनं जिंकली आहेत.
Neeraj Chopra called Arshad Nadeem for this beautiful click. Spread love not hate Between neighbours pic.twitter.com/SyWeddOvne
— ZaiNii(@ZainAli_16) August 27, 2023
रौप्य आणि कांस्य पदक कोणाला?
25 वर्षीय नीरजचा या स्पर्धेतील पहिल्या प्रयत्नात फाऊल झाला. त्यानंतर त्याने दुसऱ्या प्रयत्नात सर्वोत्तम थ्रो केला. त्यानंतर त्याने 86.32 मीटर, 84.64 मीटर, 87.73 मीटर आणि 83.98 मीटरपर्यंत भाला फेकला. पाकिस्तानच्या अर्शद नदीमला 87.82 मीटरपर्यंत थ्रो करता आला. चेक प्रजासत्ताकच्या याकूब वालेशने 86.67 मीटर भाला फेकत कांस्य पदकावर नाव कोरलं.
