मुंबई21 मिनिटांपूर्वी
- कॉपी लिंक
भाजप प्रदेशाध्यक्ष चंद्रशेखर बावनकुळे यांनी उपमुख्यमंत्री देवेंद्र फडणवीस यांची मस्टरमंत्री म्हणून हेटाळणी करणाऱ्या माजी मुख्यमंत्री उद्धव ठाकरे यांच्यावर जोरदार पलटवार केला आहे. देवेंद्र फडणवीस ‘मस्टरमंत्री’ नसून मास्टर आहेत. त्यांच्याच ‘मास्टरस्ट्रोक’मुळे तुम्हाला घरी बसावे लागले, असे ते म्हणालेत.
Related News
कोणत्या नैतिकतेने राष्ट्रकुल संसदीय परिषदेला राहुल नार्वेकर उपस्थित राहणार? आदित्य ठाकरेंची टीक
अजित पवार IN पडळकर OUT: देवेंद्र फडणवीस यांच्या ‘सागर’ बंगल्यात अजितदादा एका गेटने आत, पडळकर दुसऱ्या गेटने बाहेर
मुख्यमंत्रिपदावरुन मोहित कंबोज यांचा अजित पवारांवर थेट वार, नंतर ट्वीट केलं डिलीट
उद्धव ठाकरेंना आणखी एक धक्का: मुंबईतील 3 नेत्यांचा खासदार कीर्तिकरांच्या उपस्थितीत CM शिंदेंच्या शिवसेनेत प्रवेश; पाहा आकडा
राष्ट्रवादीच्या अजित पवार गटाच्या मुंबई अध्यक्ष निवडीबाबत सुनील तटकरेंची महत्त्वाची माहिती
अजित पवार लवकरात लवकर महाराष्ट्राचे मुख्यमंत्री होऊ दे, लालबागच्या राजाच्या चरणी चिठ्ठी अर्पण
राष्ट्रवादीच्या अजित पवार गटाच्या मुंबई अध्यक्षपदी समीर भुजबळ यांची वर्णी?
शिवसेना आमदारांच्या अपात्रतेच्या सुनावणीचे वेळापत्रक ठरलं; ‘हे’ दिवस महत्त्वाचे!
त्यांच्या पक्षात दम राहिला नाही, नागपुरात जाऊन दानवेंचा बावनकुळेंवर हल्लाबोल
‘लोकांचं रक्तही तुम्हाला कमी पडले’; संतोष बांगरांची ठाकरे गटाच्या खासदारावर खोचक टीका
2024च्या आधी भाजप फुटणार!: संजय राऊतांचा मोठा दावा; म्हणाले, एनडीए अस्तित्वाच नाही, ती केवळ एक नौटंकी
विधानसभा अध्यक्षांनी वाजवी वेळेची सीमारेषा ओलांडली: आता थेट कृती अन् निर्णय अपेक्षित, ठाकरे गटाच्या अनिल देसाई यांची भूमिका
उद्धव ठाकरे यांना स्वतःच्या वडिलांनी स्थापन केलेला पक्ष टिकवता आला नाही. आता ते भाजपमध्ये राम उरला नसल्याची टीका करता. पण त्यांनीच सत्तेसाठी हिंदुत्त्व गुंडाळून ठेवले. आता त्यांना प्रभू श्रीरामचंद्रांची आठवण येत आहे. राम मंदिराचे भूमीपूजन झाले तेव्हा जल्लोष करणाऱ्या रामभक्तांवर तुमच्या सरकारने राज्यभर गुन्हे दाखल केले होते, हे तुम्ही विसरलात की काय?, असे चंद्रशेखर बावनकुळे सोमवारी एका ट्विटद्वारे म्हणाले.
मुख्यमंत्री शिंदेंचे बंड म्हणजे शिवसेनेला मुक्त करणे, असा टोलाही बावनकुळेंनी यावेळी ठाकरेंना हाणला. तुम्ही बाळासाहेबांची शिवसेना काँग्रेसच्या दावणीला बांधून ठेवली होती. ती प्रामाणिक शिवसैनिकांनी मुक्त केली. त्यानंतर आता बाळासाहेबांचा भगवा झेंडा पुन्हा एकदा महाराष्ट्रावर अभिमानाने फडकत आहे, असे ते म्हणाले.
मोदींवर बोलण्याची लायकी नाही
यावेळी त्यांनी ठाकरेंची पंतप्रधान नरेंद्र मोदींवर बोलण्याची लायकी नसल्याचे नमूद करत देवेंद्र फडणवीस यांच्या मास्टरस्ट्रोकचीही आठवण करून दिली. उद्धव ठाकरेंची पंतप्रधान मोदींवर टीका करण्याची लायकी नाही. मोदींनी देशाचे नाव जगभर उंचावले. हे अनेकदा तुम्हीच सिद्ध केले आहे. ठाकरेंनी देवेंद्र फडणवीस यांना ‘मस्टर’मंत्री म्हणून हिणवले. पण फडणवीस मस्टरमंत्री नाहीत, तर ‘मास्टर’ आहेत. त्यांच्या ‘मास्टरस्ट्रो’कमुळेच तुम्हाला घरी बसावे लागले, असे बावनकुळे ठाकरेंवर पलटवार करताना म्हणाले.
औरंग्याचा उदो-उदो करत बसा
ठाकरेंनी भाजपमध्ये अफजलखान व औरंगजेबाची वृत्ती दिसून येत असल्याची जहरी टीका केली होती. यावर भाष्य करताना बावनकुळे म्हणाले की, औरंग्याच्या प्रवृत्तीसोबत कोण बसले आहे, हे महाराष्ट्रातील जनतेने पाहिले. औरंग्याच्या सत्तेला छत्रपती शिवरायांनी सुरुंग लावला, तसाच सुरूंग जनतेने तुमच्या सत्तेला लावला. 2024 सालीही जनता पुन्हा एकदा बाळासाहेबांच्या हिंदुत्ववादी विचारांच्या शिवसेना व भाजपला निवडून देईल. तोपर्यंत तुम्ही औरंग्या, अफझल खान व इंग्रजांचा उदो-उदो करत बसा.
