भारतीय क्रिकेट संघाचा माजी फलंदाज गौतम गंभीर सध्या वेगवेगळ्या कारणांमुळे चर्चेत आहे. गौतम गंभीर सध्या आशिया कप 2023 साठी समालोचन करत आहे. याचदरम्यान भारत आणि नेपाळमध्ये झालेल्या सामन्यादरम्यान त्याच्या एका कृत्याने सगळ्यांचं लक्ष वेधून घेतलं. संतापलेल्या गौतम गंभीरने चाहत्यांना मिडल फिंगर दाखवत आक्षेपार्ह कृत्य केलं. यामुळे त्याच्यावर टीकेची झोड उठली आहे. त्यातच आता विरेंद्र सेहवाग याने केलेल्या एका विधानामुळे खळबळ माजली आहे. चाहत्याने गौतम गंभीरचा उल्लेख केल्यानंतर सेहवागने असं काही विधान केलं ज्यामुळे सगळीकडे चर्चा रंगली आहे.
दरम्यान गौतम गंभीरने स्पष्टीकरण देताना चाहत्यांमध्ये काही पाकिस्तानी नागरिक होते, जे भारतविरोधी घोषणा देत होते. ते काश्मीरचा मुद्दा उपस्थित करत असल्याने त्यांना मी हा इशारा दिला असा दावा केला आहे. गौतम गंभीर हा दिल्लातून भाजपाचा खासदारही आहे.
गौतम गंभीर वादात अडकलेला असतानाच आता विरेंद्र सेहवागनेही त्यात उडी घेतल्याचं दिसत आहे. विरेंद्र सेहवागने थेट गौतम गंभीरचा उल्लेख केला नसला, तरी त्याचा संदर्भ मात्र तोच होता. त्यामुळे सेहवागने हे विधान करत थेट गौतम गंभीरशी पंगा घेतल्याचं बोललं जात आहे. कारण सेहवागने राजकारणात उतरणारे खेळाडू अहंकार आणि सत्तेच्या लालसेपोटी हे करत असल्याचं म्हटलं आहे.
Related News
World Cup 2023: ‘आम्हाला सर्वात जास्त…’ भारतात पोहोचताच पाकिस्तान संघाला धास्ती; केली मोठी मागणी
Glenn Maxwell Catch : पापणी पण लवली नाय अन् मॅक्सवेलने घेतला खतरनाक कॅच; पाहा Video
बाऊंड्रीलाईनवर कायम हातात ब्रश घेऊन दिसणारा ‘हा’ माणूस आहे Team India चा आधार; त्याचं काम माहितीये?
विजयानंतर सूर्याने मध्यरात्री केलेल्या ‘त्या’ कृत्याने सेहवाग चिडून म्हटला, ‘सलग 3 वेळा शून्यावर…’
बापरे! वर्ल्डकपआधीच गंभीरने हे काय पोस्ट केलं; विराटचे चाहते संतापून म्हणाले, ‘हा घाणेरडा माणूस’
World Cup 2023 | पाकिस्तानला शिंगावर घेणाऱ्या गौतम गंभीरने गायले बाबर आझमचे गोडवे, कोहलीचं नाव घेत म्हणतो…
‘तुम्ही ICC Ranking मधे अव्वल असलात तरी…,’ World Cup आधी गौतम गंभीरचा भारतीय संघाला सल्ला
Mohammed Siraj : मिस यू पप्पा! वडिलांच्या आठवणीत सिराज झाला भावूक; इंस्टाग्राम स्टोरी चर्चेत
21 धावांत 6 विकेट्स घेणाऱ्या सिराजसाठी दिल्ली पोलिसांचं खास गिफ्ट! म्हणाले, ‘सिराजला…’
World Cup 2023 | “टीम इंडिया वर्ल्ड कप जिंकेल पण…”, कपिल देव यांची मोठी भविष्यवाणी!
Rohit Sharma : आता वर्ल्डकप जिंकल्यानंतर…; प्रेस कॉन्फरन्समध्ये रोहितच्या वक्तव्यामुळे चाहते खूश
‘तुम्ही मोहम्मद सिराजलाच काय ते विचारा…’, श्रद्धा कपूरच्या स्टेटसमुळे चर्चांना उधाण
नेमकं काय झालं?
ट्विटरला एका युजरने विरेंद्र सेहवगाला टॅग करत करत म्हटलं की, मला नेहमी वाटतं की गौतम गंभीरच्या आधी तू खासदार व्हायला हवं होतं. या चाहत्याला उत्तर देताना विरेंद्र सेहवागने राजकारणावर आपलं मत मांडलं.
विरेंद्र सेहवागने म्हटलं की, “मला राजकारणात अजिबात रस नाही. मागली दोन निवडणुकांमध्ये दोन मोठ्या पक्षांनी मला विचारणा केली होती. पण माझ्या मते मनोरंजन करणारे आणि खेळाडू यांनी राजकारणात प्रवेश करु नये. याचं कारण यातील अनेकजण हे फक्त आपला अहंकार आणि सत्तेची भूक मिटवण्यासाठी राजकारणात जातात. लोकांसाठी त्यांच्याकडे फार कमी वेळ असतो. काही अपवाद वगळता इतरजण फक्त आपला प्रचार करत असतात”.
I am not at all interested in politics. Have been approached by both major parties in the last two elections. My view is that most entertainers or sportsman should not enter politics as most are their for their own ego and hunger for power and barely spare genuine time for… https://t.co/wuodkpp6HT
— Virender Sehwag (@virendersehwag) September 5, 2023
“मला क्रिकेटमध्ये गुंतून राहण्यास, समालोचन करण्यास आवडतं. आपल्या सोयीप्रमाणे पार्ट टाइम खासदार होणं ही माझी कधीच इच्छा नव्हती,” असंही सेहवागने म्हटलं आहे.
गौतम गंभीर नेमका वादात का अडकला आहे?
गौतम गंभीरचा एक व्हिडीओ व्हायरल झाला आहे. या व्हिडीओत गौतम गंभीर भारत आणि नेपाळ सामना संपल्यानंतर ड्रेसिंग रुमकडे जाताना दिसत आहे. यानंतर काही चाहते कोहली आणि धोनीचं नाव घेत घोषणा देण्यास सुरु करतात. त्यावर गौतम गंभीर त्यांना मिडल फिंगर दाखवतो.
यानंतर गंभीरने स्पष्टीकरण देताना सांगितले की, ‘पहिली गोष्ट म्हणजे सोशल मीडियावर जे दाखवले जाते ते खरे नाही. तिथे लोक त्यांच्या बाजूने जे दाखवायचे ते दाखवतात. व्हायरल झालेल्या व्हिडीओमधले सर्वात मोठे सत्य हे आहे की, त्यांनी भारतविरोधी घोषणा दिल्या, हिंदुस्तान मुर्दाबाद किंवा काश्मीरबद्दल घोषणा दिल्या, तर ती व्यक्ती कोणत्या ना कोणत्या प्रकारे प्रतिक्रिया देईल किंवा मग तो हसून निघून जाईल”.
Gautam Gambhir showed middle finger to chokli fans #IndvsNep #ViratKohlipic.twitter.com/byOgV4cz9g
— Shivani (@shivani__D) September 4, 2023
“तिथे 2-3 पाकिस्तानी लोक होते. जे हिंदुस्तान मुर्दाबाद आणि काश्मीरबद्दल बोलत होते. मी माझ्या देशाबद्दल किंवा देशाविरुद्ध काहीही ऐकू शकत नाही. तुम्ही मला वैयक्तिकरित्या शिवीगाळ केलीत तर मी हसत हसत निघून जाईन असे तुम्हाला वाटते का? मी तसा नाही. सामना बघायला आला असाल तर आपल्या देशाला साथ द्या. यात राजकीय काहीही करू नका,” असंही गंभीरने म्हटलं आहे.
