पाकिस्तान क्रिकेट संघाचा आघाडीचा फलंदाज फवाद आलमने पाकिस्तान क्रिकेटला अलविदा केला आहे. फवादची आंतरराष्ट्रीय कारकीर्द 15 वर्षांची आहे. 37 वर्षीय फवाद आता यूएसएच्या लीग क्रिकेटमध्ये खेळताना दिसणार आहे.

क्रिकबझच्या अहवालानुसार, तो USA च्या मायनर लीग क्रिकेट T20 स्पर्धेत शिकागो किंग्समन संघाकडून खेळणार आहे. मात्र, अद्याप फवादच्या बाजूने कोणतेही वक्तव्य आलेले नाही.

2007 मध्ये आंतरराष्ट्रीय क्रिकेटमध्ये पदार्पण करणारा फवाद पाकिस्तानच्या समी अस्लम, हम्माद आझम, सैफ बदर आणि मोहम्मद मोहसीन यांच्या क्लबमध्ये सामील झाला आहे. फवादच्या आधी हे खेळाडू अमेरिकेत खेळण्यासाठी आपला देश सोडून गेले आहेत.

2007 मध्ये आंतरराष्ट्रीय पदार्पण केले

फवादने 2007 साली पाकिस्तानकडून टी-20 आणि एकदिवसीय क्रिकेटमध्ये पदार्पण केले. फवादने 2009 मध्ये कसोटी पदार्पण केले आणि त्याच सामन्यात शतक झळकावले. त्यानंतर पुढील दोन सामन्यांनंतर त्याला वगळण्यात आले आणि 11 वर्षांच्या कालावधीनंतर 2020 मध्ये तो कसोटी संघात परतला.

फवाद आलमची आंतरराष्ट्रीय कारकीर्द

फवादने पाकिस्तानसाठी एकूण 19 कसोटी, 38 एकदिवसीय आणि 24 टी-20 आंतरराष्ट्रीय सामने खेळले आहेत. त्याच्या नावावर कसोटीच्या 30 डावांत 1011 धावा, एकदिवसीय सामन्याच्या 36 डावांत 966 धावा आणि टी-20 आंतरराष्ट्रीय सामन्यांच्या 17 डावांत 194 धावा आहेत. फवादने कसोटीत 5 आणि एकदिवसीय सामन्यात एक शतक झळकावले. याशिवाय त्याच्या नावावर 15 आंतरराष्ट्रीय विकेटही आहेत.

फवाद 2009 च्या टी-20 वर्ल्ड कपमध्ये पाकिस्तानच्या विजेत्या टीमचा भाग होता.