सागर आव्हाड, झी मीडिया, पुणे : पुण्याच्या (Pune Crime) सिंहगड रोड भागातील रायकर मळा परिसरात महावितरणमधील (Mahavitaran) एका वरिष्ठ तंत्रज्ञाचा (टेक्निशियन) तीक्ष्ण हत्याराने वार करून खून केल्याचा धक्कादायक प्रकार समोर आला आहे. मनोहर गार्डनजवळील खंडोबा मंदीर रोड परिसरात घडली आहे. पोलिसांनी (Pune Police) याप्रकरणात एका संशयिताला ताब्यात घेतलं असून त्याची कसून चौकशी सुरु आहे. दरम्यान, या घटनेनं परिसरात खळबळ उडाली आहे.
गोपाळ कैलास मंडळे (वय 32, रा. ओवी अंगण कॉलनी, जाधवनगर, रायकर मळा) असे खून झालेल्या व्यक्तीचे नाव आहे. याप्रकरणी, गुन्हे शाखेच्या दरोडा व वाहनचोरी विरोधी पथकाने सिद्धांत दिलीप मांडवकर (वय.18,रा. रायकरमळा धायरी) या संशयिताला ताब्यात घेतले आहे. याबाबत सोमवारी रात्री उशीरापर्यंत सिंहगड रोड पोलीस ठाण्यात गुन्हा दाखल करण्याचे काम सुरू होते. दरम्यान हा खून अनैतिक संबंधाचा संशय आणि पूर्वी झालेल्या वादातून करण्यात आल्याचे पोलिसांनी म्हटलं आहे.
पोलिसांनी दिलेल्या माहितीनुसार, गोपाळ मंडळे हे महावितरण येथे वरिष्ठ वरिष्ठ तंत्रज्ञ (टेक्निशियन) म्हणून नोकरीस होते. ते महावितरणच्या सिंहगड रोड विभागात कार्यरत होते. गेल्या चार वर्षांपासून मंडळे हे रायकर मळा येथे आई, मुलगा आणि पत्नीसोबत राहात होते. मृत मंडळे आणि आरोपी हे दोघेही एकमेकांना चांगलेच ओळखत होते. काही दिवसांपूर्वी आरोपी मांडवकर आणि गोपाळ मंडळे यांच्यात वाद झाला होता.
Related News
2 लाखांची सोन्याची पोथ हरवल्यानंतर म्हशीवर संशय, पुढे जे झाले ते चित्रपटाच्या कथेलाही लाजवेल
‘माझा मुलगा गेलाय, डीजे लावू नका!’ म्हणणाऱ्या बापाला 21 जणांकडून बेदम मारहाण
Political News: …तर पंतप्रधान राजीनामा देणार का? अरविंद केजरीवाल यांचे PM मोदींना खुले चॅलेंज
गणेश विसर्जनावेळी झारखंडच्या टोळीपासून सावधान! 16 लाखांचे तब्बल 52 मोबाईल जप्त
पुण्यात गणेश विसर्जन मिरवणुकीसाठी ‘रिंग रोड’ तयार, कसा असेल? जाणून घ्या
डिओड्रंटचा इतका मोठा स्फोट की शेजारच्या घरातील काचा फुटल्या, नाशकातील धक्कादायक घटना
मनोज जरांगेंच्या मागणीत आणखी एक विघ्न; 65 लाख कागदपत्रांच्या तपासणीत धक्कादायक माहिती उघड
पत्नी माहेरी गेल्याचा राग; पतीने सासू आणि मेव्हण्याला जिवंत जाळत स्वतःलाही संपवले
तुळजापूर-सोलापूर महामार्ग उद्यापासून बंद; जिल्हाधिकाऱ्यांचा मोठा निर्णय
विधानसभा अध्यक्षांनी वाजवी वेळेची सीमारेषा ओलांडली: आता थेट कृती अन् निर्णय अपेक्षित, ठाकरे गटाच्या अनिल देसाई यांची भूमिका
‘पत्रकारांना चहा प्यायला न्यायला पहिजे म्हणजे…’; त्या’ वादग्रस्त विधानावर बावनकुळेंचं स्पष्टीकरण!
भंडाऱ्यात अंत्ययात्रेवर मधमाशांचा हल्ला, प्रेत सोडून नातेवाइकांनी काढला पळ; शेकडो जखमी
त्यानंतर सोमवारी मंडळे यांनी फोन करून मांडवकरला बोलवून घेतले होते. एकाच दुचाकीवर ते वाद मिटविण्यासाठी निघाले होते. खंडोबा मंदीर रोड परिसरात आले असताना, दोघांमध्ये पुन्हा वाद झाला. त्यावेळी मांडवकर याने चाकूने मंडळे यांच्या गळ्यावर वार केले. गंभीर जखमी झाल्याने मंडळे यांचा जागीच मृत्यू झाला. भरदिवसा रस्त्यावर हा सगळी घटना घडली. तेथून जाणार्‍या एका व्यक्तीने पोलिसांना याबाबत
घटनेची माहिती मिळताच सिंहगड रोड पोलीस ठाण्याचे वरिष्ठ पोलीस निरीक्षक अभय महाजन, जयंत राजुरकर यांनी घटनास्थळी धाव घेतली. त्यावेळी मंडळे हे रक्ताच्या थारोळ्यात पडल्याचे दिसून आले. मंडळे यांचा खून केल्यानंतर मांडवकर हा तेथून फरार झाला होता. स्थानिक पोलिसांबरोबर गुन्हे शाखेची पथके देखील त्याचा शोध घेत होती. त्यावेळी दरोडा व वाहनचोरी विरोधी पथकाचे वरिष्ठ पोलिस निरीक्षक अशोक इंदलकर यांना मांडवकर हा धायरी परिसरात असल्याची माहिती मिळाली. त्यानंतर पथकाने त्याला ताब्यात घेतले.
पोलिसांनी केलेल्या चौकशीत मांडवकर याने खूनाची कबुली दिली.नात्यातील एका महिलेसोबत मांडवकर याचे अनैतिक संबंध असल्याचा मंडळे यांना संशय होता. त्यातून दोघांत वाद झाला होता. तो वाद मिटविण्यासाठी दोघे एकत्र आले असताना परत त्यांच्यात वाद झाला. त्यावेळी त्याने मंडळे यांच्यावर चाकूने हल्ला करून खून केला. त्यानंतर मांडवकर फरार झाला.
