Indian Blind Womens Cricket: भारतीय महिला अंध क्रिकेट संघाने इतिहास रचला आहे. इंटरनॅशनल ब्लाइंड स्पोर्ट्स फेडरेशन (आईबीएसए) वर्ल्ड गेम्स 2023 मध्ये जबरदस्त कामगिरी करत भारतीय महिला संघाने सुवर्णपदक जिंकलं आहे. अंतिम सामन्यात भारताने 9 गडी राखत ऑस्ट्रेलियाचा पराभव केला आणि सुवर्णपदकावर नाव कोरलं. भारत आणि ऑस्ट्रेलियामधील अंतिम सामना बर्मिंघम येथे खेळण्यात आला. या सामन्यात पावसाचा व्यत्यय आला. यानंतर डकवर्थ लुईस नियमामुसार भारतीय संघाला विजयी घोषित करण्यात आलं.
आंतरराष्ट्रीय स्पर्धेत भारतीय महिला संघाने आपल्या कामगिरीने सर्वांची मनं जिंकली आहे. महिला संघाने आपल्या लीगमधील सर्व सामने जिंकले आणि अपराजित राहिला. भारतीय संघाने अंतिम सामन्यात 20 ओव्हर्समध्ये 114 धावांवर ऑस्ट्रेलिया संघाला रोखलं होतं. ऑस्ट्रेलियाने यादरम्यान 8 गडी गमावले होते. भारताने यानंतर 3.3 ओव्हरमध्ये 42 धावा केल्या. यानंतर डकवर्थ लुईस नियमामुसार भारताला विजयी घोषित केलं.
गेल्या आठवड्यात आईबीएसए वर्ल्ड गेम्समध्ये अंध क्रिकेट संघांचे सामने सुरु झाले होते. यावेळी इंग्लंड आणि ऑस्ट्रेलिया यांच्यात पहिला सामना पार पडला. भारत आणि ऑस्ट्रेलियादरम्यान झालेला हा वर्ल्ड गेम्समधील पहिला अंतिम सामना होता. जो भारताने 9 गडी राखत जिंकला.
Related News
IND vs AUS: रोहित शर्माची एक चूक आणि…; कर्णधाराच्या ‘त्या’ निर्णयाने टीम इंडियावर पराभवाची नामुष्की
Glenn Maxwell Catch : पापणी पण लवली नाय अन् मॅक्सवेलने घेतला खतरनाक कॅच; पाहा Video
IND vs AUS : गोऱ्या स्मिथला ऊन सोसवेना पण कोहलीचं भलतंच चाललंय, Video पाहून तुम्हीही खदाखदा हसाल!
IND vs AUS: ऑस्ट्रेलियाविरूद्ध तिसऱ्या वनडे सामन्यात चेतेश्वर पुजारा खेळणार? फोटो झाला व्हायरल
India vs Australia दरम्यानचा Final सामना किती वाजल्यापासून, कुठे Live पाहता येणार?
World Cup Trophy in Pune : पुणेकरांनो संधी सोडू नका…! ‘या’ वेळेत निघणार वर्ल्ड कप ट्रॉफीची भव्य मिरवणूक
सर्वोत्तम फॉर्ममध्ये असलेल्या शुभमन गिलसंदर्भात वर्ल्डकपआधीच भारतीय संघाचा मोठा निर्णय
KL Rahul : कधी कधी चुका…; ऑस्ट्रेलियाविरूद्ध वनडे सिरीज जिंकूनंही संतापला केएल. राहुल
बाऊंड्रीलाईनवर कायम हातात ब्रश घेऊन दिसणारा ‘हा’ माणूस आहे Team India चा आधार; त्याचं काम माहितीये?
आशियाई गेम्स : सुवर्ण लक्ष्यभेद! एअर रायफलमध्ये जिंकलं गोल्ड; ठाणेकर रुद्रांश पाटीलचा वर्ल्ड रेकॉर्ड
AUS vs IND : आश्विनच्या फिरकीसमोर कांगारू नाचले! 7 बॉलमध्ये उडवल्या 3 विकेट्स; पाहा Video
6,6,6,6… मैदानात उतरताच सूर्याची फोडाफोडी! भरदिवसा ग्रीनला दाखवल्या चांदण्या; पाहा Video
INDIA WOMENS BLIND TEAM CREATED HISTORY….
They won the first ever IBSA World Games in the UK – What an incredible achievement.
They have made the whole country proud. pic.twitter.com/gu7hN35H3i
— Johns. (@CricCrazyJohns) August 26, 2023
प्रथम फलंदाजी करण्यासाठी उतरलेल्या ऑस्ट्रेलिया संघाची सुरुवात फार चांगली झाली नाही. चौथ्या ओव्हरमध्ये त्यांनी पहिली विकेट गमावली. यानंतर ऑस्ट्रेलियाने पॉवर-प्लेमध्ये 29 धावा केल्या. ऑस्ट्रेलियाची धावसंख्या 39 धावांवर 3 गडी बाद होती. यानंतर सी लुईस आणि वेबेक यांनी 54 धावांची भागीदारी करत डाव सावरला. पण भारताने पुनरामगन करत ऑस्ट्रेलियाला रोखलं. अखेर ऑस्ट्रेलियाने 20 ओव्हरमध्ये 114 धावा केल्या.
History made at @Edgbaston! India are our first ever cricket winners at the IBSA World Games!
Australia VI Women 114/8
India VI Women 43/1 (3.3/9)India VI Women win by 9 wickets.
Will Cheshire pic.twitter.com/1Iqx1N1OCW
— IBSA World Games 2023 (@IBSAGames2023) August 26, 2023
भारताने आव्हानाचा पाठलाग करताना जोरदार सुरुवात केली. भारताने फक्त 3.3 ओव्हरमध्येच 42 धावा ठोकल्या.भारतीय संघ चांगल्या फॉर्ममध्ये होता. ऑस्ट्रेलियाच्या गोलंदाजांची धुलाई करताना भारताने फक्त 3.3 ओव्हरमध्ये 42 धावा केल्या असताना पाऊस आला. यानंतर नियमानुसार भारताला विजयी घोषित केलं.
पंतप्रधान नरेंद्र मोदींकडून कौतुक
Kudos to the Indian women’s blind cricket team for winning the Gold at the IBSA World Games! A monumental achievement that exemplifies the indomitable spirit and talent of our sportswomen. India beams with pride! https://t.co/4Ee7JfF3UH
— Narendra Modi (@narendramodi) August 26, 2023
पुरुष संघाचा पाकिस्तानकडून पराभव
महिला संघाने सुवर्णपदक जिंकल्यानंतर अंतिम सामन्यात दाखल झालेला पुरुष संघही सुवर्णपदक जिंकेल अशी आशा होती. पण पाकिस्तानने पराभव करत सुवर्णपदक जिंकलं. पाकिस्तानने 8 गडी राखत भारताचा पराभव केला. भारताने प्रथम फलंदाजी करताना 3 गडी गमावत 184 धाा केल्या होत्या. पाकिस्तानने 15 व्या ओव्हरलाच लक्ष्य पूर्ण केलं.
