- Marathi News
- Sports
- Cricket
- David Warner; Australia VS New Zealand World Cup 2023 Live Score Updates; Glenn Maxwell | Adam Zampa
धर्मशाळा6 मिनिटांपूर्वी
- कॉपी लिंक
2023 च्या विश्वचषक स्पर्धेत ऑस्ट्रेलियाने सलग चौथा विजय मिळवला आहे. संघाने 27 व्या सामन्यात न्यूझीलंडचा 5 धावांनी पराभव केला. या विजयासह ऑस्ट्रेलियन संघ उपांत्य फेरीच्या जवळ पोहोचला आहे. 6 सामन्यांनंतर 4 विजयानंतर संघाच्या खात्यात 8 गुण आहेत.
Related News
ऑस्ट्रेलिया सहाव्यांदा विश्वचषक विजेता: हेडची मॅच विनिंग खेळी, भारताचे तिसऱ्यांदा विश्वविजयाचे स्वप्न भंगले; कोहली प्लेअर ऑफ द टूर्नामेंट
भारत-ऑस्ट्रेलिया फायनलमध्ये भिडणार: दक्षिण आफ्रिका पुन्हा चोकर्स ठरला, विश्वचषकाच्या उपांत्य फेरीत 5व्यांदा पराभूत
शतकवीर कोहलीचे सचिनला अभिवादन: फुटबॉलपटू बेकहॅमने विराटचे केले अभिनंदन, शमीने सोडला झेल, नंतर 3 चेंडूत 2 बळी घेतले; टॉप मोमेंट्स
चौथ्यांदा एकदिवसीय विश्वचषकाच्या अंतिम फेरीत भारत: न्यूझीलंडचा 70 धावांनी पराभव, विराट आणि अय्यरची शतके; शमीने 7 बळी घेतले
वर्ल्ड कप साखळी टप्प्यातील भारत Vs नेदरलँड्सचा शेवटचा सामना: डच संघाच्या नजरा चॅम्पियन्स ट्रॉफीवर; टीम इंडिया बाद फेरीसाठी पात्र
वर्ल्ड कपमध्ये PAK vs ENG: इंग्लंडने नाणेफेक जिंकून क्षेत्ररक्षण घेतले, बेअरस्टो-मलान क्रीजवर
वर्ल्ड कपमध्ये आज SA Vs AFG: उपांत्य फेरीसाठी अफगाणिस्तानला 438 धावांनी विजय आवश्यक; जाणून घ्या संभाव्य प्लेइंग-11
इंग्लंडने दिले 340 धावांचे टारगेट: नेदरलँड्सला चौथा झटका, एंजेलब्रेक्ट 33 धावा करून बाद; स्कोअर 90/4
विश्वचषक स्पर्धेत आज AUS Vs AFG: जिंकल्यास ऑस्ट्रेलिया उपांत्य फेरीसाठी पात्र ठरेल, अफगाणिस्तानही शर्यतीत कायम
वर्ल्ड कपमध्ये आज SL विरुद्ध BAN: श्रीलंकेला उपांत्य फेरीसाठी शेवटची संधी, बांगलादेशकडून अद्याप पराभव नाही; जाणून घ्या संभाव्य प्लेइंग-11
वर्ल्ड कपमध्ये आज टेबल टॉपर IND Vs SA: टीम इंडियाला विजयाची हॅट्ट्रिक करण्याची संधी; जाणून घ्या संभाव्य प्लेइंग-11
गतविजेता इंग्लंड विश्वचषकातून बाहेर: ऑस्ट्रेलियाने 33 धावांनी हरवले; अ‌ॅडम झाम्पाचे 3 बळी, लॅबुशेनने केल्या 71 धावा
शनिवारी धर्मशाला मैदानावर न्यूझीलंडने नाणेफेक जिंकून क्षेत्ररक्षणाचा निर्णय घेतला. प्रथम फलंदाजी करण्यासाठी आलेला ऑस्ट्रेलियन संघ 49.2 षटकांत सर्वबाद 388 धावांवर आटोपला. प्रत्युत्तरात न्यूझीलंडचा संघ 50 षटकांत 9 गडी गमावून 383 धावाच करू शकला.
ट्रॅव्हिस हेडने (109 धावा) ऑस्ट्रेलियाकडून पहिला विश्वचषक सामना खेळत शतक झळकावले. न्यूझीलंडकडून रचिन रवींद्रने (116 धावा) शतक झळकावले. वयाच्या 23 व्या वर्षी विश्वचषकात दोन शतके झळकावणारा तो जगातील दुसरा फलंदाज ठरला आहे. त्याच्या आधी सचिन तेंडुलकरने ही कामगिरी केली होती.
ऑस्ट्रेलिया-न्यूझीलंड सामन्याचे स्कोअरकार्ड
रचिनचे दुसरे शतक, म्हणाला- येथे खेळल्याने फिरकी समजण्यास मदत झाली
रचिन रवींद्रने 89 चेंडूत 116 धावांची खेळी केली. त्याने 77 चेंडूत आपले शतक पूर्ण केले. त्याचे वनडे कारकिर्दीतील हे दुसरे शतक आहे. दोन्ही शतके विश्वचषकात झाली. विश्वचषकात 24 वर्षांखालील दोन शतके करणारा रचिन जगातील दुसरा फलंदाज ठरला. त्याच्या आधी फक्त सचिन तेंडुलकरच हे करू शकला.
सामन्यापूर्वी न्यूझीलंडचा अष्टपैलू खेळाडू रचिन रवींद्र म्हणाला- ‘तो अनेकदा आपला खेळ सुधारण्यासाठी भारतात येतो. स्टार स्पोर्ट्सशी बोलताना तो म्हणाला की, भारतीय परिस्थितीमुळे त्याला फिरकीविरुद्ध फलंदाजी करण्यात खूप मदत झाली आहे. वडील क्रिकेटचे मोठे चाहते. त्याला पाहिल्यानंतरच रचिन क्रिकेट खेळू लागला. सुरुवातीला तो टेनिस बॉलने क्रिकेट खेळायचा.
पॉवरप्लेमध्ये किवी सलामीवीर पॅव्हेलियनमध्ये परतले, स्टार्कचा शानदार झेल; स्कोअर 73/2
389 धावांच्या लक्ष्याचा पाठलाग करताना न्यूझीलंडच्या सलामीवीरांनी वेगवान सुरुवात केली. डेव्हॉन कॉनवे आणि विल यंग या जोडीने जोश हेझलवूडच्या पहिल्याच षटकात 21 धावा केल्या, मात्र पॉवरप्लेच्या अखेरीस हेझलवूडने दोघांनाही पॅव्हेलियनचा रस्ता दाखवला. किवी संघाने 10 षटकात 2 बाद 73 धावा केल्या.
तत्पूर्वी, किवी सलामीवीरांनी आक्रमक पध्दतीचा अवलंब केला. या जोडीने पहिल्या 7 षटकात 8.5 च्या धावगतीने धावा केल्या. येथे संघाची धावसंख्या 60/0 अशी होती, परंतु पुढील 3 षटकांत न्यूझीलंड संघाने 13 धावा करताना सलामीवीरांच्या विकेट्स गमावल्या. जोशच्या चेंडूवर मिचेल स्टार्कने दोन्ही झेल घेतले. कॉनवे 28 धावा करून आणि विल यंग 32 धावा करून बाद झाला.
कांगारूं 388 धावांवर ऑल आऊट, वर्ल्ड कपमध्ये सर्वाधिक 9 वेळा 350+ धावा
न्यूझीलंडने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना ऑस्ट्रेलियाचा डाव 49.2 षटकात 388 धावांवर आटोपला.
या विश्वचषकात 350 हून अधिक धावा करण्याची ही 7वी वेळ आहे. दक्षिण आफ्रिका आणि ऑस्ट्रेलियाने 3-3 वेळा आणि इंग्लंडने एकदा ही कामगिरी केली आहे. एकूण रेकॉर्डमध्ये, ऑस्ट्रेलियाने 9व्यांदा 350+ धावा केल्या आहेत. दक्षिण आफ्रिकेने 8 वेळा आणि भारताने 4 वेळा 350+ धावा केल्या आहेत.
हेडचे स्पर्धेतील पहिले शतक आणि कारकिर्दीतील चौथे शतक
ट्रॅव्हिस हेड शतक झळकावून बाद झाला. त्याने 109 धावांची खेळी खेळली. हेडने 59 चेंडूत शतक झळकावले. जे या विश्वचषकातील तिसरे वेगवान शतक आहे. याआधी ग्लेन मॅक्सवेल आणि एडन मार्कराम 40 चेंडू आणि 49 चेंडूत पहिल्या आणि दुसऱ्या क्रमांकावर आहेत. हेडचे हे पहिले एकदिवसीय विश्वचषक शतक आणि कारकिर्दीतील चौथे शतक आहे.
वॉर्नर-हेडची शतकी भागीदारी
डेव्हिड वॉर्नर आणि ट्रॅव्हिस हेड यांच्यात शतकी भागीदारी रचली गेली. दोघांनी पहिल्या विकेटसाठी 175 धावांची भागीदारी केली. ही भागीदारी वॉर्नरच्या विकेटसह तुटली.
वॉर्नर अर्धशतक झळकावून बाद
न्यूझीलंडविरुद्ध अर्धशतक झळकावल्यानंतर ऑस्ट्रेलियाचा सलामीवीर डेव्हिड वॉर्नर बाद झाला. तो 81 धावा करून ग्लेन फिलिप्सचा बळी ठरला. वॉर्नरने 28 चेंडूत आपले अर्धशतक पूर्ण केले. या स्पर्धेच्या चालू मोसमातील हे पहिले अर्धशतक होते. या मोसमात त्याच्या नावावर दोन शतकेही आहेत. हे त्याचे एकदिवसीय कारकिर्दीतील 32 वे अर्धशतक आहे.
दोन्ही संघात प्रत्येकी एक बदल
न्यूझीलंडमध्ये एक बदल झाला आहे. मार्क चॅपमन दुखापतीमुळे बाहेर आहे. त्याच्या जागी जेम्स नीशमचा संघात समावेश करण्यात आला आहे. ऑस्ट्रेलियन संघातही एक बदल करण्यात आला आहे. कॅमेरून ग्रीनच्या जागी ट्रॅव्हिस हेडला संधी देण्यात आली आहे.
प्लेइंग – 11
न्यूझीलंड: टॉम लॅथम (कर्णधार आणि यष्टिरक्षक), डेव्हॉन कॉनवे, विल यंग, रचिन रवींद्र, डॅरिल मिशेल, ग्लेन फिलिप्स, जेम्स नीशम, मिचेल सँटनर, मॅट हेन्री, लॉकी फर्ग्युसन आणि ट्रेंट बोल्ट.
ऑस्ट्रेलिया : पॅट कमिन्स (कर्णधार), डेव्हिड वॉर्नर, मिचेल मार्श, स्टीव्ह स्मिथ, मार्नस लॅबुशेन, जोश इंग्लिस (यष्टीरक्षक), ट्रॅव्हिस हेड, ग्लेन मॅक्सवेल, ॲडम झाम्पा, मिचेल स्टार्क आणि जोश हेझलवूड.
या विश्वचषकातील दोन्ही संघांचा सहावा सामना
या विश्वचषकात दोन्ही संघांचा हा सहावा सामना असेल. ऑस्ट्रेलियाने पाचपैकी तीन जिंकले आहेत आणि दोन गमावले आहेत. दुसरीकडे, न्यूझीलंडने पाचपैकी चार जिंकले असून केवळ एकच सामना गमावला आहे.
हेड-टू-हेड आणि अलीकडील रेकॉर्ड
दोन्ही संघांमध्ये आतापर्यंत एकूण 141 एकदिवसीय सामने खेळले गेले आहेत. ऑस्ट्रेलियाने 95 सामने जिंकले तर न्यूझीलंडने 39 सामने जिंकले. 7 सामने अनिर्णित राहिले. एकदिवसीय विश्वचषकातही ऑस्ट्रेलियाचा वरचष्मा आहे. या स्पर्धेत दोघांमध्ये 11 सामने झाले. ऑस्ट्रेलियाने 8, तर न्यूझीलंडने 3 जिंकले.
डेव्हिड वॉर्नर सर्वाधिक धावा करणारा
सलामीवीर डेव्हिड वॉर्नरने या विश्वचषकात ऑस्ट्रेलियाकडून सर्वाधिक धावा केल्या आहेत. त्याच्या नावावर दोन शतके आहेत. तर गोलंदाजीत ॲडम झाम्पाने सर्वाधिक विकेट घेतल्या आहेत.
रचिन रवींद्रने सर्वाधिक धावा केल्या
न्यूझीलंडकडून स्पर्धेत सर्वाधिक धावा करणारा रचिन रवींद्र आहे. त्याने एक शतक आणि दोन अर्धशतके झळकावली आहेत. मिचेल सँटनर हा गोलंदाजीत सर्वाधिक बळी घेणारा गोलंदाज आहे, त्याने 5 सामन्यात 12 बळी घेतले आहेत.
खेळपट्टी अहवाल
हिमाचल प्रदेश क्रिकेट असोसिएशन (HPCA) ची खेळपट्टी फलंदाजांसाठी उपयुक्त ठरते. या मैदानावर आतापर्यंत 8 एकदिवसीय सामने खेळले गेले आहेत. पहिल्या डावात फलंदाजी करणाऱ्या संघाने 3 सामने जिंकले असून पाठलाग करणाऱ्या संघाने 5 सामने जिंकले आहेत.
हवामान अंदाज
धर्मशालाचे हवामान शनिवारी ढगाळ वातावरण असेल आणि थंडीही असेल. पावसाची शक्यता 2% आहे. तापमान 29 ते 15 अंश सेल्सिअस पर्यंत असू शकते.
