World Cup 2023 Shreyas Iyer After IND vs SL Match: कर्णधार रोहित शर्माच्या नेतृत्वाखाली भारतीय संघाने वर्ल्ड कप 2023 मधील श्रीलंकेविरुद्धचा सामना जिंकला. भारताने आपला सातवा सामना जिंकत अपराजित राहणारा एकमेव संघ ही ओळख गुरुवारीही कायम ठेवली. मुंबईतील वानखेडे स्टेडियमवर झालेल्या सामन्यामध्ये भारतीय फलंदाजांबरोबरच गोलंदाजींनी केलेल्या ऐतिहासिक कामगिरीच्या जोरावर भारताने श्रीलंकेविरुद्धचा सामना तब्बल 302 धावांच्या फरकाने जिंकला. आधी फलंदाजी आणि नंतर गोलंदाजीमध्ये भारताने चमकदार कामगिरी केली. भारतीय फलंदाजांपैकी विराट कोहली, श्रेयस अय्यर, शुभमन गिल यांनी भन्नाट फटकेबाजी केली. त्यानंतर मोहम्मद शामी, जसप्रीत बुमराह आणि मोहम्मद सिराजने श्रीलंकन संघाच्या फलंदाजीला सुरुंग लावत संपूर्ण संघाला 55 वर बाद केलं. या सामन्यानंतर बोलताना श्रेयस अय्यरने एक मजेदार वक्तव्य केलं आहे.
आम्ही नशिबवान आहोत की…
श्रीलंकेविरुद्धच्या विजयानंतर भारतीय गोलंदाजीबद्दल बोलताना श्रेयस अय्यरने भारतीय गोलंदाजांपैकी मोहम्मद शामी, जसप्रीत बुमराह आणि मोहम्मद सिराजचा सामना आपल्याला करावा लागत नाही याबद्दल समाधान व्यक्त केलं आहे. “आज आणि आधीच्या सामन्यात त्यांनी केलेली गोलंदाजी पाहिली तर आम्ही नशीबवान आहोत की आम्हाला त्यांच्याविरुद्ध खेळावं लागत नाही. मात्र त्याचवेळी आम्ही त्यांच्याबरोबर नेट्समध्ये सराव केला आहे. त्यांच्याबरोबर सराव केल्याने आम्हाला कोणत्याही गोलंदाजाला खेळून काढण्याची प्रेरणा मिळते,” असं अय्यरने सामन्यानंतर पत्रकारांशी संवाद साधताना म्हटलं.
नक्की वाचा >> ‘दक्षिण आफ्रिकेने वर्ल्ड कप जिंकला नाही तर…’, डिव्हिलियर्सचं मत; भारतालाही दिला इशारा
Related News
ICCने विश्वचषक 2023 ची अंतिम खेळपट्टी चांगली मानली नाही: ऑस्ट्रेलियाने जेतेपद पटकावले होते, अहमदाबादसह 5 खेळपट्ट्यांना सरासरी रेटिंग
विराट-रोहितचं युग संपलं! ऑस्ट्रेलियाविरुद्धच्या टी20 मालिकेत टीम इंडियाला काय मिळालं?
नीरज चोप्राचा बुमराहला सल्ला: म्हणाला- रनअप मोठा असल्यास गोलंदाजीचा वेग वाढेल; भालाफेकीचा अनुभव सांगितला
IND vs AUS Final: पुन्हा खेळवली जाणार वर्ल्डकप फायनल? कांगारूंनी केलेल्या चिटींगनंतर ICC चा निर्णय?
IND Vs AUS 5th T20i : टीम इंडियाचा शेवट गोड! रोमांचक सामन्यात कांगारूंचा पराभव; अर्शदीप ठरला गेम चेंजर
मराठमोळा ऋतुराज गायकवाड इतिहास रचणार, विराट कोहलीचा ‘हा’ विक्रम मोडणार
Mohammed Shami : जखमी असतानाही शमी वर्ल्ड कप खेळला? मुंबईतील डॉक्टरांचा धक्कादायक रिपोर्ट समोर!
IND vs AUS : टीम इंडियाचा ‘मालिका विजय’, पण पाकिस्तानला बसला धक्का; सूर्याच्या कॅप्टन्सीत रचला इतिहास!
अजिंक्य रहाणे, चेतेश्वर पुजाराच्या क्रिकेट कारकिर्दीचा The End, ‘या’ युवा खेळाडूंनी घेतली जागा
‘गौतम गंभीरने मला मिस्ड कॉल…’, अभिनेत्री पायल घोषचे सनसनाटी आरोप, म्हणते ‘इरफानला डेट करत असताना…’
वर्ल्डकप ट्रॉफीवर पाय ठेवून अपमान का केलास? मिशेल मार्शने अखेर दिलं स्पष्टीकरण, म्हणाला ‘तुम्हाला काय…’
IND vs SA ODIs : बीसीसीआयने शब्द पाळला! नव्या कॅप्टनसह Sanju Samson ची टीम इंडियामध्ये एन्ट्री!
कोणती गोलंदाजी उत्तम?
आताची गोलंदाजांची कामगिरी उत्तम आहे की आशिया चषकाच्या अंतिम सामन्यातील उत्तम होती? असा प्रश्न विचारण्यात आला. “मला वाटतं सध्याच्या गोलंदाजांची फळी उत्तम आहे कारण मी आशिया चषकाच्या अंतिम सामन्याला मैदानाबाहेर ड्रेसिंग रुममध्ये बसलेलो. बाहेर बसून हे पाहणं फार वेगळं आहे. आता मी खेळत आहे. आजची कामगिरी ही फारच उत्तम होती. खास करुन गोलंदाजांची कामगिरी पाहता ते संघाला गरज असतानाच संघासाठी उभे राहिले. आम्हाला 2 ते 3 विकेट्स मिळाल्यानंतर विकेट्स घेण्यावर लक्ष केंद्रित केलं. गोलंदाजी असो किंवा फिल्डींग असो आम्ही झेल घेत गोलंदाजांना मदत करण्याचा प्रयत्न केला. सध्या संघ फार उत्तम खेळतोय,” असं श्रेयस अय्यर म्हणाला. श्रेयस अय्यरने श्रीलंकेविरुद्ध 56 बॉलमध्ये 6 षटकार आणि 3 चौकारांच्या मदतीने 82 धावा केल्या.
नक्की वाचा >> शमीवर झालेला देशद्रोहाचा आरोप; भावूक होऊन म्हणालेला, ‘मी मरेन पण…’
कोणी किती विकेट्स घेतल्या?
मोहम्मद शामी, मोम्मद सिराज, जसप्रीत बुमराहच्या भन्नाट गोलंदाजांच्या जोरावर श्रीलंकेला केवळ 55 धावांवर बाद केलं. भारतीय गोलंदाजांसमोर श्रीलंकन संघाचा डाव पत्त्यांच्या बंगल्याप्रमाणे कोसळला. शमीने 5 विकेट्स घेतल्या. बुमराहने 1 विकेट घेतली, सिराजने 3 विकेट्स घेतल्या तर रविंद्र जडेजालाही एक विकेट मिळाली. या सामन्यामध्ये श्रीलंकन संघ फलंदाजीसाठी आल्यानंतर दुसऱ्या डावातील पहिल्याच बॉलवर जसप्रीत बुमराहने विकेट घेतली. यापूर्वी वर्ल्ड कपमधील भारतीय सामन्यामध्ये अशाप्रकारे पहिल्याच चेंडूवर विरोधी संघातील फलंदाजाला बाद करण्याचा प्रकार कधीच घडला नव्हता.
