Maharastra Reservation Controversy : काठी न घोंगडं घेऊ द्या की… धनगरांना बी सोबत येऊ द्या की… दस-याच्या मुहूर्तावर जरांगेंनी (Manoj Jarange patil) केलेलं सीमोल्लंघन ही मोठी खेळी आहे. आतापर्यंत मराठा म्हणजे मोठा भाऊ आणि इतर जाती म्हणजे छोटा भाऊ असं अलिखित राजकीय समीकरण जरांगेंनी चौंडीतल्या मंचावरुन खोडून काढलं. धनगरांना एसटीमधून आरक्षणाच्या मागणीसाठी चौंडीच्या मंचावर जरांगे अवतरले आणि त्यांनी भाजपच्या माधव फॉर्म्युलालाच थेट हात घातला. मराठा-धनगर छोटा भाऊ, मोठा भाऊ असं काही नाही, आपण सगळी रक्तामासाची माणसं, असं जरांगे पाटील म्हणाले.
भाजपच्या ‘माधव’ पॅटर्नमधून जरांगे ‘ध’ काढून घेणार?
शेठजी भटजींचा पक्ष ही ओळख मोडून काढण्यासाठी भाजपनं 1980 च्या दशकात माधव फॉर्म्युलाचा प्रयोग केला. माळी, धनगर, वंजारींना एकत्र आणण्य़ाचा हा माधव फॉर्म्युला. परिणामी तीनही जाती भाजपच्या मागे उभ्या राहिल्या. भाजपला त्याचा चांगला फायदा झाला. सध्याच्या घडीला माळी समाजाचे भुजबळ, तर वंजारी समाजाचे धनंजय मुंडे कॅबिनेट मंत्री आहेत. मात्र, सध्या धनगर समाजाचा एकही नेता मंत्रिपदी नाही तर विधानसभेत दत्तात्रय भरणे हे धनगर समाजाचे एकमेव आमदार आहेत.
लोकसंख्येच्या प्रमाणात धनगरांना प्रतिनिधित्व मिळत नाही, याच मुद्द्यावर बोट ठेवत जरांगेंनी धनगरांना एकत्र लढा उभारण्याचं आवाहन केलं. राज्यात धनगर समाजाची लोकसंख्या साधारणपणे 1 कोटी आहे. पंढरपूर, सातारा, सांगली, सोलापूर, पुणे, नगर, बीड, धाराशिवमध्ये धनगर समाजाचं प्राबल्य आहे. 100 विधानसभा मतदारसंघांत धनगर समाजाची भूमिका निर्णायक ठरते. मराठ्यांबरोबर धनगरांच्या बेरजेचं हे गणित करुन जरांगेंनी मोठा डाव साधल्याचं बोललं जातंय.
Related News
मलिक अल्पसंख्यांक म्हणून ही भूमिका घेतली का? सुषमा अंधारेंचा सवाल
VIDEO: …अन् अचानक देंवेंद्र फडणवीसांसमोर आले नवाब मलिक; नंतर काय झालं पाहा
संजय राऊतांचा बळीचा बकरा पक्षश्रेष्ठींनीच केलाय; निलम गोऱ्हेंची नाव न घेता ठाकरेंवर सडकून टीका
धर्माच्या नावानं मतं मागायची? ठाकरेंच्या पत्राला निवडणूक आयोगाचं उत्तर नाही, पुन्हा स्मरणपत्र
‘अरे बापरे! सिंचन घोटाळा फेम अजित पवारांना..’; फडणवीसांचं पत्र वाचून संजय राऊतांचा टोला
Blog : नवाब मलिकांवरुन महायुतीत महाभारत?
हल्ला फक्त मलिक यांच्यावर बाकीचे यांच्या मांडीवर! संजय राऊतांनी भाजपला डिवचलं
नवाब मलिक कोणाचे? फडणवीसांच्या पत्रानंतर सुनिल तटकरेंची सूचक प्रतिक्रिया
फडणवीसांनी पत्र सार्वजनिक करायची गरज नव्हती, अमोल मिटकरींनी नेमकं काय म्हटलं?
फडणवीस पत्र न लिहिता अजित पवारांना फोन करुनही सांगू शकत होते,सुप्रिया सुळे थेटच म्हणाल्या
फडणवीसांच्या पुढाकाराने सरकार आणलं,त्यांची भूमिका हीच सरकारची भूमिका दरेकरांची प्रतिक्रया
मलिकांवरून फडणवीसांचे अजित पवारांना पत्र; वडेट्टीवार म्हणतात, भाजप हा धूर्त पक्ष असून…
‘मध’ची मोट कुणाची लावणार वाट?
माधव पॅटर्नमधून ध वेगळा काढायचा आणि धनगरांचाही पाठिंबा मिळवायचा. भाजपच्या हक्काच्या आणि पारंपारिक व्होट बँकेला सुरूंग आणि पश्चिम महाराष्ट्रात जिथे मराठ्यांचा फारसा प्रतिसाद जरांगेंना नाही, तिथे धनगरांना हाताशी धरुन पश्चिम महाराष्ट्रात हात-पाय पसरायचे.
मराठा ही राष्ट्रवादी आणि काँग्रेसची पारंपारिक व्होटबँक असल्याचा समज आहे. तर दुसरीकडे माधवच्या प्रयोगानंतर ओबीसींचा चांगला पाठिंबा भाजपला मिळाला. आता मात्र यातून धनगरांचा ध काढून घेऊन मराठा धनगर हा मध फॉर्म्युला तयार करण्याची जरांगेंची खेळी यशस्वी झाली, तर ठरलेली राजकीय गणितं नक्की बिघडू शकतील.
