World Cup 2023 IND vs SA Probable Indian Playing XI: भारतीय संघाने 2 नोव्हेंबर रोजी मुंबईतील वानखेडे स्टेडियमवर झालेल्या श्रीलंकेविरुद्धच्या सामन्यात ऐतिहासिक 302 धावांनी विजय मिळवून सेमीफायनल्समधील आपलं स्थान निश्चित केलं आहे. भारताने वर्ल्ड कप 2023 च्या पर्वामध्ये आपले पहिले सातही सामने जिंकले आहेत. दुसरीकडे दक्षिण आफ्रिकेचा संघही यंदाच्या पर्वात उत्तम कागिरी करत असून हे दोन्ही संघ उद्या म्हणजेच रविवारी, 5 नोव्हेंबर रोजी कोलकात्यातील इडन गार्डन्सच्या मैदानात आमने-सामने येणार आहेत. हा सामना फायनल आधीची फायनल म्हणून चर्चेत असून ग्रुप स्टेजमधील दादा संघ कोणता हे या सामन्यातून निश्चित होणार आहे. भारतीय संघ दक्षिण आफ्रिकेविरुद्धच्या सामन्यात श्रीलंकेविरुद्ध दमदार विजय मिळवणारा संघ बदलणार का हा प्रश्न आहे. याच प्रश्नावर पाकिस्तानचा माजी क्रिकेटपटू वसीम अक्रमनेही प्रतिक्रिया नोंदवली आहे.
कोणी तयार होणार नाही
“कोलकात्यामधील खेळपट्टी ही फिरकी गोलंदाजांना साथ देणारी आहे. मात्र मला असं वाटत नाही की भारतीय संघ काही खेळाडूंच्या निवडीमध्ये बदल करुन मैदानात उतरेल,” असं अक्रम म्हणाला आहे. ‘ए स्पोर्ट्स’शी बोलताना वसिम अक्रमने, “तुमचे सर्व गोलंदाज उत्तम गोलंदाजी करत आहेत. सध्या प्रकृतीसंदर्भातही कोणाला काही तक्रार नाही. भारतीय संघामध्ये बदल करण्याची नाही तर आराम देण्यासंदर्भात चर्चा सुरु आहे. मात्र मी नियमितपणे चांगली गोलंदाजी करत असेल तर मी का आराम करावा? मी सलग 7 ते 8 महिने खेळत असेल तर गोष्ट वेगळी आहे,” असं म्हणत कोणीही स्वत:हून आराम करण्यास तयार होणार नाही असं सूचित केलं आहे.
नक्की वाचा >> ‘दक्षिण आफ्रिकेने वर्ल्ड कप जिंकला नाही तर…’, डिव्हिलियर्सचं मत; भारतालाही दिला इशारा
Related News
IND vs SA 1st T20I : पहिल्याच सामन्यात पावसाचा खोडा; टॉसविना सामना रद्द, मालिकेची रंगत वाढली!
IND vs SA : टी-ट्वेंटी मालिकेआधी रिंकू सिंहचा मोठा खुलासा, म्हणतो ‘राहुल द्रविड यांनी मला सांगितलंय की…’
ICCने विश्वचषक 2023 ची अंतिम खेळपट्टी चांगली मानली नाही: ऑस्ट्रेलियाने जेतेपद पटकावले होते, अहमदाबादसह 5 खेळपट्ट्यांना सरासरी रेटिंग
दक्षिण आफ्रिकेत भारतीय खेळाडूंचा अपमान? डोक्यावर उचलली बॅग… Video व्हायरल
IND vs AUS Final: पुन्हा खेळवली जाणार वर्ल्डकप फायनल? कांगारूंनी केलेल्या चिटींगनंतर ICC चा निर्णय?
SA vs IND : वर्ल्ड कपमधील पराभवानंतर Temba Bavuma ची सुट्टी, साऊथ अफ्रिकेला मिळाला नवा कर्णधार!
Mohammed Shami : जखमी असतानाही शमी वर्ल्ड कप खेळला? मुंबईतील डॉक्टरांचा धक्कादायक रिपोर्ट समोर!
वर्ल्डकप ट्रॉफीवर पाय ठेवून अपमान का केलास? मिशेल मार्शने अखेर दिलं स्पष्टीकरण, म्हणाला ‘तुम्हाला काय…’
IND vs SA ODIs : बीसीसीआयने शब्द पाळला! नव्या कॅप्टनसह Sanju Samson ची टीम इंडियामध्ये एन्ट्री!
IND vs SA : साऊथ अफ्रिका दौऱ्यासाठी टीम इंडियाची घोषणा, KL Rahul नवा वनडे कर्णधार!
स्वंतत्र्य भारताची पहिली क्रिकेट टीम, टीम इंडियाच्या खेळाडुंची नावं पाहिलीत का?
BCCI ला द्रविडच प्रशिक्षकपदी हवा: 2 वर्षांसाठी मुदतवाढ देण्याची तयारी, वर्ल्डकप फायनलनंतर करार संपला होता
भारतीय संघावर कौतुकाचा वर्षाव
“मात्र तुम्हाला हे समजायला हवं की ही वर्ल्ड कपची स्पर्धा आहे. तुमचा संघ चांगली कामगिरी करत आहे. तुम्ही या स्पर्धेतील सर्वोत्तम संघ वाटत आहात. तुम्ही एकही सामना हरलेला नाहीत. संघामध्ये काहीही गोंधळ असल्याचं दिसत नाही. कोणतीही चूक होत नसून बॅटिंग फिल्डींग आणि बॉलिंगमध्ये भारतीय संघ उत्तम कामगिरी करत आहे. कर्णधारही उत्तम पद्धतीने नेतृत्व करत आहे. भारतीय संघाने प्रत्येक क्षेत्रात उत्तम कामगिरी केली आहे,” असं अक्रम पुढे भारतीय संघाचं कौतुक करतना म्हणाला.
नक्की वाचा >> द्रविडला मिळाली दक्षिण आफ्रिकेला हरवण्यासाठीची Tip; टीम इंडिया हॉटेलमध्ये असतानाच…
जास्तीत जास्त सूर्याला बाहेर बसवता येईल
दुसरीकडे पाकिस्तानचा माजी क्रिकेटपटू मोईन खाननेही आपलं म्हणणं मांडताना, “भारतीय संघ अव्वल स्थानी आहे. कोणत्याही खेळाडूला प्रकृतीची काही समस्या नाही. भारतीय संघाकडे उत्तम पर्याय आहेत. आता जे खेळाडू तंदरुस्त आहेत ते पुढच्या सामन्यात खेळतील. बदल करायचा झाला तर तुम्ही जास्तीत जास्त सूर्यकुमारला बाहेर पसवू शकता,” असं म्हटलं आहे. भारतीय संघाच्या गोलंदाजांना पटापट विकेट्स मिळत असल्याने एकप्रकारे त्यांचा अधिक आराम होतोय, असं सांगताना मोईन अलीने भारतीय संघात फार बदल होणार नाहीत असं म्हटलं आहे. मात्र वर्कलोडचं कारण देत म्हणजे विश्रांतीचं कारण देत संघात बदल होऊ शकतात, हे नाकारता येत नाही असंही त्याने म्हटलं आहे.
