World Cup 2023 Semi Final Scenario : दक्षिण आफ्रिकेविरुद्ध चेन्नईच्या चेपॉक स्टेडियमवर करो या मरो या सामन्यात पाकिस्तानला सलग चौथ्यांदा पराभवाची धुळ चाखावी लागली आहे. रोमांचक सामन्यात साऊथ अफ्रिकेने पाकिस्तानला वर्ल्ड कपमधील पत्ता कट केलाय. 24 वर्षानंतर वर्ल्ड कपमध्ये पाकिस्तानचा पराभव करून साऊथ अफ्रिकेने इतिहास देखील रचला आहे. पाकिस्तानने दिलेल्या 271 धावांचं आव्हान पूर्ण करताना एडम मार्करम याने 91 धावांची खेळी केली. तर पाकिस्तानकडून कॅप्टन बाबर आझम आणि सौद शकील या दोघांनी सर्वाधिक धावा केल्या. तर दक्षिण आफ्रिकाकडून तरबेज शम्सी याने सर्वाधिक 4 विकेट्स घेतल्या होत्या. तर पाकिस्तानकडून शाहीन शाह आफ्रिदीने 3 विकेट्स घेतल्या.
पाकिस्तानने दिलेल्या 271 धावांचं आव्हान पूर्ण करताना साऊथ अफ्रिकेला अपेक्षेप्रमाणे सुरूवा करता आली नाही. दोन्ही सलामीवीर क्विंटन डी कॉक आणि टेम्बा बवुमा अनुक्रमे 24 आणि 28 धावा करत बाद झाले. तर क्लासेन आणि डुसेन देखील बाद झाले. मात्र, एडम मार्करम याने एक बाजू लावून धरली होती. त्याने 91 धावांची खेळी केली. तर अखेरच्या खेळाडूंनी बारक्या बारक्या इनिंग खेळून डाव सावरला. साऊथ अफ्रिकेच्या दोन विकेट शिल्लक होत्या, तेव्हा पाकिस्तानने डाव पलटला. लुंगी एन्गडी 4 धावा करून बाद झाल्यानंतर पाकिस्तानला सामना जिंकण्यासाठी एका विकेटची गरज होती. मात्र, केशव महाराजने एक फोर मारत पाकिस्तानला वर्ल्ड कपमधील पत्ता कट केला आहे.
प्रथम गोलंदाजी करताना दक्षिण आफ्रिकाने पाकिस्तानला 270 धावांवर ऑलआऊट केलं. पाकिस्तानला पूर्ण 50 ओव्हरही खेळता आलं नाही. पाकिस्तानकडून फक्त दोघांनाच अर्धशतक करता आलं. सौद शकील याने 57 बॉलमध्ये 52 धावा केल्या. बाबर आझम याने 65 बॉलमध्ये 50 धावांची खेळी केली होती. त्याचबरोबर मोहम्मद रिझवान याने 31 आणि मोहम्मद नवाझ याने 24 धावा चोपल्या होत्या. अखेर पाकिस्तानच्या शेपटीने मोठी खेळी करण्याचा प्रयत्न केला मात्र, त्यांना यश आलं नाही. पाकिस्तानचा डाव 270 धावांवर गुंडाळला गेला.
Related News
ICCने विश्वचषक 2023 ची अंतिम खेळपट्टी चांगली मानली नाही: ऑस्ट्रेलियाने जेतेपद पटकावले होते, अहमदाबादसह 5 खेळपट्ट्यांना सरासरी रेटिंग
IND vs AUS Final: पुन्हा खेळवली जाणार वर्ल्डकप फायनल? कांगारूंनी केलेल्या चिटींगनंतर ICC चा निर्णय?
Mohammed Shami : जखमी असतानाही शमी वर्ल्ड कप खेळला? मुंबईतील डॉक्टरांचा धक्कादायक रिपोर्ट समोर!
Pakistan Cricket : याला म्हणतात गरिबी! ऑस्ट्रेलियामध्ये पोहोचताच झाला ‘इज्जतीचा फालुता’, पाहा नेमकं प्रकरण काय?
वर्ल्डकप ट्रॉफीवर पाय ठेवून अपमान का केलास? मिशेल मार्शने अखेर दिलं स्पष्टीकरण, म्हणाला ‘तुम्हाला काय…’
स्वंतत्र्य भारताची पहिली क्रिकेट टीम, टीम इंडियाच्या खेळाडुंची नावं पाहिलीत का?
‘मी कोणाचं नाव घेत नाही, पण…’, वसीम अक्रम आणि गौतम गंभीर संतापले; म्हणाले ‘देशभक्तीच्या नावाखाली…’
‘बाबा पुन्हा एकदा हसतील,’ वर्ल्डकपमधील पराभवानंतर रोहित शर्माच्या लेकीचा VIDEO व्हायरल
‘सकाळी उठले तर बॉसचा मेसेज होता की..’; वर्ल्ड कप पराभवानंतर कंपनीकडून कर्मचाऱ्यांना मोठा धक्का
आधी लात मारून हाकललं, सिलेक्शनमध्येही घोटाळा.. वर्ल्ड कपनंतर मोहम्मद शमीचा गौप्यस्फोट
सूर्यकुमार कधीच विसरणार नाही 22 नोव्हेंबरची तारीख! Captain म्हणून पहिल्याच प्रेस कॉन्फरन्समध्ये..
‘सावरायला वेळ लागेल, रोहित ड्रेसिंग रुममध्ये..’; सूर्यकुमार WC Final मधील पराभवाबद्दल स्पष्टच बोलला
दक्षिण आफ्रिका (प्लेइंग इलेव्हन): क्विंटन डी कॉक (विकेटकीपर), टेम्बा बावुमा (कर्णधार), रॅसी व्हॅन डेर ड्युसेन, एडन मार्कराम, हेनरिक क्लासेन, डेव्हिड मिलर, मार्को जान्सन, जेराल्ड कोएत्झी, केशव महाराज, तबरेझ शम्सी, लुंगी एनगिडी
पाकिस्तान (प्लेइंग इलेव्हन): अब्दुल्ला शफीक, इमाम-उल-हक, बाबर आझम (कर्णधार), मोहम्मद रिझवान (विकेटकीपर), सौद शकील, शादाब खान, इफ्तिखार अहमद, मोहम्मद नवाज, शाहीन आफ्रिदी, मोहम्मद वसीम जूनियर, हरिस रौफ.
