- Marathi News
- Sports
- Cricket
- Babar Azam; Pakistan Vs Nepal Asia Cup LIVE Score Update; Shaheen Afridi Rohit Paudel | PAK VS NEP Playing 11
मुलतान3 तासांपूर्वी
- कॉपी लिंक
जागतिक क्रमवारीत पहिल्या क्रमांकावर असलेल्या पाकिस्तानने बुधवारी 30 ऑगस्ट रोजी आशिया चषक मोहिमेची धमाकेदार सुरुवात केली. या संघाने सलामीच्या सामन्यात नेपाळचा 238 धावांच्या मोठ्या फरकाने पराभव केला. पाकिस्तानचा या स्पर्धेतील हा सर्वात मोठा विजय आहे.
Related News
आशिया कप, भारत VS श्रीलंका: श्रीलंकेने टॉस जिंकून घेतली बॅटिंग, पावसाचा व्यत्यय, सामना सुरू होण्यास विलंब
बांगलादेशचे भारताला 266 धावांचे आव्हान: भारताला तिसरा झटका, केएल राहुल 19 धावांवर बाद, गिलचे अर्धशतक पूर्ण
आशिया कपमध्ये आज SL विरुद्ध PAK: श्रीलंका हरल्यास प्रथमच भारत-पाकिस्तान यांच्यात फायनल, पाऊस आल्यास पाकला फटका
भारत आशिया कपच्या फायनलमध्ये पोहोचला!: गतविजेत्या श्रीलंकेचा 41 धावांनी केला पराभव; कुलदीपने घेतल्या 4 विकेट
आज राखीव दिवशी भारत-पाकिस्तान सामना होणार: पावसामुळे केवळ 24.1 षटकेच खेळता आली; टीम इंडियाचा स्कोर 147/2
आशिया चषक स्पर्धेत आज पुन्हा भारत Vs पाकिस्तान: कोलंबोत दोन्ही संघ दुसऱ्यांदा भिडतील, पावसाची 90% शक्यता
आशिया कपमध्ये बांगलादेशचा 89 धावांनी विजय: अफगाणिस्तानने 52 धावांत गमावल्या शेवटच्या 7 विकेट, मिराज-शांतोचे शतक
आशिया चषक-2023: श्रीलंकेने केला बांगलादेशचा 5 गडी राखून पराभव; यंदा सलग 11वी वनडे जिंकली; समरविक्रमा-असलंकांची फिफ्टी
रोहित उभ्याउभ्याच Out! शाहीन आफ्रिदीच्या Yorker ने भारतीयांना फुटला घाम! पाहा Video
पाकिस्तानचा Confidence वाढला! नेपाळला हरवल्यानंतर बाबर म्हणाला, ‘भारताविरुद्धच्या…’
मुलतानच्या मैदानावर नाणेफेक जिंकून प्रथम फलंदाजी करताना पाकिस्तानने 50 षटकांत 6 गडी गमावून 342 धावा केल्या. प्रत्युत्तरात नेपाळचा संघ 23.4 षटकांत सर्वबाद 104 धावांवर आटोपला. 151 धावांची खेळी खेळणारा पाकिस्तानचा कर्णधार बाबर आझम सामनावीर ठरला.
पाकिस्तानच्या विजयाचे हिरो होते कर्णधार बाबर आझम, इफ्तिखार अहमद आणि शादाब खान. पुढे सामना अहवाल आणि विश्लेषण वाचा…
पहा : पाकिस्तान-नेपाळ सामन्याचे स्कोअरकार्ड
आशिया कपमधील दुसरा मोठा विजय
पाकिस्तानने नेपाळचा 238 धावांनी पराभव केला. आशिया चषकाच्या इतिहासातील धावांच्या बाबतीत हा दुसरा सर्वात मोठा विजय आहे. सर्वात मोठ्या विजयाचा विक्रम भारताच्या नावावर आहे, या संघाने 2008 मध्ये हाँगकाँगचा 256 धावांनी पराभव केला होता.
आशिया कपच्या इतिहासातील हा पाकिस्तानचा सर्वात मोठा विजय आहे. या संघाने यापूर्वी 2000 मध्ये बांगलादेशचा 233 धावांनी पराभव केला होता. पाकिस्तानचा वनडे इतिहासातील हा तिसरा सर्वात मोठा विजय ठरला. या संघाने यापूर्वी 2016 मध्ये आयर्लंडचा 256 धावांनी तर 2018 मध्ये झिम्बाब्वेचा 244 धावांनी पराभव केला होता.
विश्लेषण: नेपाळी फलंदाज मोठ्या धावसंख्येसमोर बिथरले, तिन्ही विभागात निरुत्साही
आशिया चषकाच्या मंचावर प्रथमच खेळणाऱ्या नेपाळ संघात अनुभवाची लक्षणीय कमतरता होती. संघ तिन्ही विभागात (फलंदाजी, गोलंदाजी आणि क्षेत्ररक्षण) निस्तेज दिसत होता.
प्रथम क्षेत्ररक्षण करत वेगवान गोलंदाजांनी पाकिस्तानला सुरुवातीचे धक्के दिले, पण मधल्या षटकांमध्ये एकही विकेट घेतली गेली नाही. महत्त्वाच्या प्रसंगी खेळाडूंनी झेलही सोडले. अशा परिस्थितीत जीवनदानाचा फायदा घेत पाकिस्तानी कर्णधार बाबर आझम आणि इफ्तिखार अहमद यांनी शतके झळकावली. या शतकांच्या जोरावर पाकिस्तानने ३४२ धावा केल्या.
३४२ धावांच्या मोठ्या धावसंख्येच्या दडपणाने संघाची आघाडी विस्कळीत झाली आणि कर्णधारासह अव्वल ३ फलंदाज १४ धावांच्या सांघिक धावसंख्येवर पॅव्हेलियनमध्ये परतले. दरम्यान, आरिफ शेखने सोमपाल कामीसोबत अर्धशतकी भागीदारी करत डावावर नियंत्रण ठेवण्याचा प्रयत्न केला, मात्र पाकिस्तानी गोलंदाजांसमोर ही जोडी फार काळ टिकू शकली नाही. आरिफची विकेट पडल्यानंतर सातत्याने विकेट पडू लागल्या आणि संघाला मोठ्या पराभवाला सामोरे जावे लागले.
- मधल्या षटकात विकेट्स आल्या नाहीत नेपाळच्या वेगवान गोलंदाजांनी फखर आणि इमामला बाद करून पाकिस्तानवर दबाव आणला होता. संघाने पाकिस्तानी सलामीवीरांना 25 धावांवर पॅव्हेलियनमध्ये पाठवले, पण बाबर-रिजवानने डाव सांभाळला. त्यानंतर नेपाळी गोलंदाजांना मधल्या षटकांमध्ये विकेट घेण्यात अपयश आले. त्यानंतर पाकिस्तानने 342 धावांची मोठी मजल मारली.
- मोठ्या धावसंख्येसमोर खराब सुरुवात 343 धावांच्या लक्ष्याचा पाठलाग करण्यासाठी उतरलेल्या नेपाळच्या संघाची सुरुवात खराब झाली. संघाने 14 धावांच्या स्कोअरवर टॉप-3 विकेट गमावल्या. अशा स्थितीत संपूर्ण दडपण मधल्या फळीवर आले, आरीफ शेख आणि सोमपाल कामी यांनी क्रीझवर थोडा वेळ घालवला असला तरी तो पुरेसा नव्हता. खालच्या मधल्या फळीतील अष्टपैलू खेळाडूंनाही चांगली कामगिरी करता आली नाही.
- जागतिक दर्जाच्या गोलंदाजीचा सामना करू शकले नाही पाकिस्तानच्या जागतिक दर्जाच्या वेगवान आक्रमणाविरुद्ध नेपाळचे फलंदाज झगडताना दिसले. आरिफ, सोमपाल आणि गुलशन यांच्याशिवाय इतर कोणताही फलंदाज दुहेरी आकडी धावसंख्या गाठू शकला नाही यावरून याचा अंदाज लावता येतो.
पॉवरप्लेमध्ये नेपाळपेक्षा पाकिस्तान सरस होता
पॉवरप्लेमध्ये दोन्ही संघांनी विकेट्स गमावल्या, पण पाकिस्तानचा संघ नेपाळपेक्षा चांगल्या स्थितीत होता. पॉवरप्लेच्या 10 षटकात 44 धावा करण्यासाठी संघाने दोन विकेट गमावल्या, तर नेपाळने 47 धावा करताना 3 फलंदाज गमावले. दोन्ही संघांची धावगती ४० च्या आसपास राहिली.
नेपाळ-पाकिस्तान सामन्याचे फोटो
नेपाळचा यष्टिरक्षक आसिफ शेखने फखर जमानचा अप्रतिम झेल घेतला.
पाकिस्तानचा कर्णधार बाबर आझमने नाणेफेक जिंकून फलंदाजीचा निर्णय घेतला.
सलामीच्या सामन्यापूर्वी भाषण करताना पाकिस्तानचा कर्णधार बाबर आझम.
आशिया चषक स्पर्धेच्या उद्घाटन सामन्यापूर्वी नेपाळी गायकाने सादरीकरण केले.
दोन्ही संघांची प्लेइंग इलेव्हन…
पाकिस्तान: बाबर आझम (कर्णधार), फखर जमान, इमाम-उल-हक, सलमान अली आगा, इफ्तिखार अहमद, मोहम्मद रिझवान (विकेटकीपर), मोहम्मद नवाज, नसीम शाह, शाहीन शाह आफ्रिदी आणि हरिस रौफ.
नेपाळ: रोहित पौडेल (कर्णधार), कुशल भुरटेल, अर्जुन सौद, आसिफ शेख, आरिफ शेख, सोमपाल कामी दीपेंद्र सिंग ऐरी, करण केसी, कुशल माला, संदीप लामिछाने, ललित राजबंशी आणि गुलशन झा.
