Legend League Cricket : लिजेंड्स लीगच्या दुसऱ्या सीझनला आता सुरूवात झाली आहे. पहिल्या सीझनमध्ये गौतम गंभीरच्या (Gautam Gambhir) नेतृत्वाखाली इंडिया कॅपिटल्सने लिजेंड्स लीगची (Legend League Cricket) ट्रॉफी जिंकली होती. अशातच आता दुसऱ्या सीझनची सुरूवात 18 नोव्हेंबर रोजी इंडिया कॅपिटल्स आणि भिलवारा किंग्ज यांच्यातील सलामीच्या सामन्याने झाली आहे. या सामन्यात भिलवारा किंग्जने 3 विकेट्सने विजय मिळवला आहे. लिजेंड्स लीगमध्ये गौतम गंभीर, सुरेश रैना, ख्रिस गेल, इरफान पठाण, हरभजन सिंग, जॅक कॅलिस, मार्टिन गप्टील, शेन वॉटसन आणि इतर क्रिकेटपटू खेळताना दिसतात. मात्र, तुम्हाला निवृत्ती घेतलेला महेंद्रसिंह धोनी (MS Dhoni) मात्र दिसत नाही. धोनीला लिजेंड्स लीगमध्ये खेळण्याची परवानगी का नाही? असा प्रश्न अनेकांना पडला आहे.
लिजेंड्स लीगमध्ये MS Dhoni का नाही?
महेंद्रसिंग धोनी हा भारतीय क्रिकेट संघातील एक महान खेळाडू म्हणून ओळखला जातो. फलंदाजी असो वा विकेटकिपिंग धोनीने अनेक रेकॉर्डची उलतापालट केली आहे. त्यामुळे त्याने क्रिकेटमध्ये देखील एक वेगळं स्थान निर्माण केलंय. आयसीसीच्या तिन्ही फॉरमॅटमधील ट्रॉफी जिंकण्याचा मान देखील धोनीला जातो. तीनही ICC ट्रॉफी (ODI WC, T20 WC आणि Champions Trophy) जिंकणारा तो एकमेव कर्णधार आहे. मात्र, धोनी एवढा लिजेंड्स असून देखील त्याला लिजेंड्स लीग खेळता येत नाही. त्याला कारण बीसीसीआयचा एक नियम…
बीसीसीआयच्या नियमानुसार कोणत्याही भारतीय पुरुष खेळाडूला तो बोर्डामध्ये खेळत आहे, तोपर्यंत परदेशात किंवा फ्रँचायझी लीगमध्ये भाग घेता येत नाही. त्याची परवानगी बीसीसीआय कधीही देत नाही. भारतीय क्रिकेटमध्ये सक्रीय असलेला खेळाडू जोपर्यंत निवृत्ती घेत नाही, तोपर्यंत त्याला परदेशी लीग किंवा फ्रँचायझी लीगमध्ये भाग घेता येत नाही. भारतीय क्रिकेटमध्ये आंतरराष्ट्रीय क्रिकेट, देशांतर्गत क्रिकेट आणि आयपीएल या तिन्ही गोष्टींचा समावेश होतो. धोनीचं गणित पहायला गेलं तर धोनीने आंतरराष्ट्रीय क्रिकेटमधून निवृत्ती घेतली खरी पण धोनी अजूनही आयपीएल खेळतो. त्यामुळे त्याला लिजेंड्स लीगमध्ये खेळता येत नाही.
Related News
IND vs SA 1st T20I : पहिल्याच सामन्यात पावसाचा खोडा; टॉसविना सामना रद्द, मालिकेची रंगत वाढली!
WPL 2024 Auction : टॅक्सी ड्राईव्हरची लेक झाली मालामाल; मुंबई इंडियन्सच्या ताफ्यात ‘लेडी हार्दिक पांड्या’
IND vs SA : टी-ट्वेंटी मालिकेआधी रिंकू सिंहचा मोठा खुलासा, म्हणतो ‘राहुल द्रविड यांनी मला सांगितलंय की…’
बॅट घेऊन मारायला निघालेल्या Sikandar Raza ला आयसीसीने दाखवला नियम, पाहा काय केलं?
लिजेंड्स लीग क्रिकेटने श्रीसंतला कायदेशीर नोटीस पाठवली: गंभीरशी भांडण झाल्यावर कारवाई; श्रीसंतचा आरोप – गंभीरने मला फिक्सर म्हटले
Virat Kohli: टी-20 WC मधून विराटची होणार हकालपट्टी? BCCI च्या पसंतीचा ‘हा’ खेळाडू घेणार कोहलीची जागा?
दक्षिण आफ्रिकेत भारतीय खेळाडूंचा अपमान? डोक्यावर उचलली बॅग… Video व्हायरल
VIDEO: ‘गंभीरने काय केलंय हे लवकरच कळेल’; मैदानातल्या वादानंतर श्रीसंतने सांगितलं धक्कादायक सत्य
Rohit Sharma: मला टी-20 WC मध्ये निवडणार असाल तर…; अखेर BCCI ला रोहित स्पष्टच म्हणाला!
‘विराटला कॅप्टन्सीवरून मी हटवलं नाही तर…’, सौरव गांगुलीचा सनसनाटी खुलासा!
‘कलंक लावणारा वॉर्नर हिरो कसला?’ म्हणणाऱ्या मिचेल जॉनसनवर उस्मान ख्वाजाची सडकून टीका, म्हणतो…
MS Dhoni : धोनीने दिलेला ‘तो’ सल्ला कामी आला, कॅप्टन शाई होपने असा पलटला सामना!
भारतीय क्रिकेट्सला जर लेजेंड्स लीग, टी-10 लीग, बिग बॅश लीग, द हंड्रेड किंवा इतर कोणत्याही लीगचा भाग व्हायचा असेल तर बीसीसीआयशी दुरावा निर्माण करावा लागतो. एकदा का निवृत्ती घेतली की, घरवापसी नाही… त्यामुळे टीम इंडियाचे खेळाडू इतर खेळाडूंप्रमाणे लीग मॅच खेळताना दिसत नाहीत.
Legends League Cricket चं वेळापत्रक
18 नोव्हेंबर भिलवाडा किंग्स-इंडिया कॅपिटल्स
20 नोव्हेंबर मणिपाल टायगर्स-गुजरात जायंट्स
21 नोव्हेंबर दक्षिणी सुपरस्टार्स-अर्बनरायझर्स हैदराबाद
22 नोव्हेंबर भिलवाडा किंग्स-गुजरात जायंट्स
23 नोव्हेंबर इंडिया कॅपिटल्स-अर्बनाइजर्स हैदराबाद
