वर्ल्डकपमध्ये पाकिस्तान संघ आपल्या खराब कामगिरीमुळे टीकेचा धनी झाला आहे. बाबर आझमच्या नेतृत्वातील संघाने 7 पैकी फक्त 3 सामने जिंकले आहेत. पाकिस्तान संघाला अद्यापही सेमी-फायनलमध्ये स्थान मिळण्याचं संधी आहे, मात्र हा प्रवास खडतर आहे. एकीकडे संघाच्या कामगिरीवरुन टीकेचा भडीमार सुरु असतानाच बाबर आझम याचं चॅट लीक झालं आहे. पाकिस्तानधील टीव्ही चॅनेलने या कथित चॅटचा स्क्रीनशॉट शेअर केला आहे.
चॅनेलने दाखवलेल्या या चॅटमध्ये सलमान नावाच्या एका व्यक्तीने लिहिलं आहे की, “बाबर, टीव्ही आणि सोशल मीडियावर एक बातमी पसरली आहे की, तू चेअरमनला फोन करत आहेस आणि ते उत्तर देत नाही आहेत. तू त्यांना मागील काही दिवसात फोन केला होतास का?”. यानंतर त्याच्या या मेसेजला ज्याने उत्तर दिलं आहे, त्याचं नाव ‘Babar Azam New’ नावाने सेव्ह आहे. उत्तर देत त्याने लिहिलं आहे की ‘सलमान भाई, मी फोन नव्हता केला’.
यादरम्यान हे व्हॉट्सअप चॅट चॅनेलवर दाखवणाऱ्या न्यूज अँकर वसीम बदामीने आपल्याला पाकिस्तान क्रिके बोर्डाच्या प्रमुखांनीच कार्यक्रमादरम्यान हे चॅट दाखवण्यास सांगितलं असल्याचा खुलासा केला. आपल्याला कार्यक्रम सुरु होण्याच्या 7 मिनिटं आधी जका अशरफ यांनी एक व्हिडीओ क्लिप पाठवत हा मेसेज दाखवण्यास सांगितलं असल्याची माहिती एक्सवर पोस्ट करत दिली. दरम्यान आपण हे चुकीचं केलं असून, यासाठी बाबर आझमची परवानगीही घ्यायला हवी होती असं सांगितलं आहे.
Related News
ICCने विश्वचषक 2023 ची अंतिम खेळपट्टी चांगली मानली नाही: ऑस्ट्रेलियाने जेतेपद पटकावले होते, अहमदाबादसह 5 खेळपट्ट्यांना सरासरी रेटिंग
IND vs AUS Final: पुन्हा खेळवली जाणार वर्ल्डकप फायनल? कांगारूंनी केलेल्या चिटींगनंतर ICC चा निर्णय?
Mohammed Shami : जखमी असतानाही शमी वर्ल्ड कप खेळला? मुंबईतील डॉक्टरांचा धक्कादायक रिपोर्ट समोर!
वर्ल्डकप ट्रॉफीवर पाय ठेवून अपमान का केलास? मिशेल मार्शने अखेर दिलं स्पष्टीकरण, म्हणाला ‘तुम्हाला काय…’
स्वंतत्र्य भारताची पहिली क्रिकेट टीम, टीम इंडियाच्या खेळाडुंची नावं पाहिलीत का?
BCCI ला द्रविडच प्रशिक्षकपदी हवा: 2 वर्षांसाठी मुदतवाढ देण्याची तयारी, वर्ल्डकप फायनलनंतर करार संपला होता
‘मी कोणाचं नाव घेत नाही, पण…’, वसीम अक्रम आणि गौतम गंभीर संतापले; म्हणाले ‘देशभक्तीच्या नावाखाली…’
‘पंतप्रधानांनी ड्रेसिंग रुममध्ये जाणं हे काही..’; मोदींचा उल्लेख करत रवी शास्त्री स्पष्टच बोलले
‘बाबा पुन्हा एकदा हसतील,’ वर्ल्डकपमधील पराभवानंतर रोहित शर्माच्या लेकीचा VIDEO व्हायरल
‘सकाळी उठले तर बॉसचा मेसेज होता की..’; वर्ल्ड कप पराभवानंतर कंपनीकडून कर्मचाऱ्यांना मोठा धक्का
आधी लात मारून हाकललं, सिलेक्शनमध्येही घोटाळा.. वर्ल्ड कपनंतर मोहम्मद शमीचा गौप्यस्फोट
सूर्यकुमार कधीच विसरणार नाही 22 नोव्हेंबरची तारीख! Captain म्हणून पहिल्याच प्रेस कॉन्फरन्समध्ये..
दरम्यान हा व्हिडीओ व्हायरल झाल्यानंतर पाकिस्तान क्रिकेट संघाचा माजी कर्णधार शाहिद आफ्रिदीने जका अशरफ यांना खडेबोल सुनावले आहेत. “जका अशरफ तुम्ही काही क्लबचे चेअरमन नाहीत. तुम्ही पाकिस्तान क्रिकेट बोर्डाचे चेअरमन आहात. तुम्ही अनेक गोष्टींचं निरीक्षण करायला हवं. तुम्ही मीडिया हाऊसच्या मालकांना फोन करुन कोण तुमच्याबद्दल काय बोललं हे सांगत आहात. तुम्ही चेअरमन आहात हे विसरु नका. तुम्ही तुमचं काम करा आणि त्याचा निकाल द्या. तुम्ही संधी दिली असल्यानेच लोक तुमच्याबद्दल बोलत आहेत,” असं शाहिद आफ्रिदीने समा टीव्हीवरुन सुनावलं आहे.
— Sports Ka SULTAN (@SportsKaSultan_) October 31, 2023
“तुम्ही तुमच्या कामावर लक्ष द्या. संघ वर्ल्डकप खेळत आहे आणि तुम्ही एकामागोमाग एक विधानं करत आहात. कधी तुम्ही बाबर तर कधी इतरांबद्दल बोलता. आधी तुमचं पद भक्कम करा. क्रिकेटर्सना तुमच्याकडे ज्या अपेक्षा आहेत त्या पूर्ण करा. लोक तुमच्याबद्दल काय बोलत आहेत ते बाजूला ठेवा. तुम्हीच त्यांना संधी देत आहात. तुमच्या कामाशी मतलब ठेवा,” असा संताप शाहिद आफ्रिदीने व्यक्त केला आहे.
पाकिस्तानचा कर्णधार बाबर आझम आणि पीसीबीचे प्रमुख जका अशरफ यांच्यात सगळं काही आलबेल नसल्याच्या चर्चा रंगल्या आहेत. वर्ल्डकपमधील खराब कामगिरीनंतर पाकिस्तान क्रिकेट बोर्डाने कामगिरीच्या आधारे काही कठोर निर्णय घेतले जातील असं स्पष्ट केलं आहे. त्यानंतरच या चर्चांना उधाण आलं आहे.
