India vs Afghanistan: अखेर वर्ल्डकपची सांगता झाली आहे. या स्पर्धेच्या फायनल सामन्यामध्ये ऑस्ट्रेलियाने टीम इंडियाचा 6 विकेट्सने पराभव केला. या विजयासह ऑस्ट्रेलियाच्या टीमने सहाव्यांदा वर्ल्डकपच्या ट्रॉफीवर नाव कोरलं. तर गुरुवारपासून टीम इंडियाला ऑस्ट्रेलियाविरूद्ध टी-20 सिरीज खेळायची आहे. यानंतर टीम इंडिया अशा एका देशाशी टी-20 सिरीज खेळणार आहे, ज्या टीमसोबत आतापर्यंत एकदाही टी-20 सिरीज खेळली नाही.
एकीकडे टीम इंडिया ऑस्ट्रेलियन टीमसोबत टी-20 सिरीज खेळणार आहे. तर दुसरीकडे अशी एक टीम भारतात येणार आहे, ज्यांच्यासोबत भारताने आतापर्यंत एकही वनडे किंवा टी-20 सिरीज खेळलेली नाही. ही टीम दुसरी तिसरी कोणतीही टीम नसून अफगाणिस्तानची क्रिकेट टीम आहे. अफगाणिस्तानची क्रिकेट टीम पुढच्या वर्षी जानेवारी महिन्यामध्ये भारत दौऱ्यावर येणार आहे. नुकतंच बोर्डाने याबाबत घोषणा केली आहे.
दीर्घकाळापासून भारत विरूद्ध अफगाणिस्तान यांच्यात सामना व्हावा यासाठी चर्चा सुरु होती. या चर्चेनंतर अखेर कार्यक्रमही जाहीर झाला आहे. भारत आणि अफगाणिस्तान यांच्यात जानेवारीमध्ये 3 टी-20 सामन्यांची सिरीज होणार आहे. अफगाणिस्तान क्रिकेट बोर्डाने या दौऱ्यासाठी मान्यता दिलीये.
Related News
IND vs SA 1st T20I : पहिल्याच सामन्यात पावसाचा खोडा; टॉसविना सामना रद्द, मालिकेची रंगत वाढली!
टीम इंडियात सलामीसाठी तगडी चुरस, 3 वर्षात 32 ओपनर्स… पाहा कोणाचं पारडं जड
दक्षिण आफ्रिकेत भारतीय खेळाडूंचा अपमान? डोक्यावर उचलली बॅग… Video व्हायरल
टी20 विश्वचषकापूर्वी टीम इंडियासाठी Good News, रवी, सूर्या जगातले नंबर वन खेळाडू
विराट-रोहितचं युग संपलं! ऑस्ट्रेलियाविरुद्धच्या टी20 मालिकेत टीम इंडियाला काय मिळालं?
IND Vs AUS 5th T20i : टीम इंडियाचा शेवट गोड! रोमांचक सामन्यात कांगारूंचा पराभव; अर्शदीप ठरला गेम चेंजर
IND vs AUS 4th T20I : 3.16 कोटींची थकबाकी…! भारत-ऑस्ट्रेलिया सामना ‘जनरेटवर’, पाहा नेमकं कारण काय?
IND vs SA : कॅप्टन कुल धोनीला टेन्शनमध्ये टाकणाऱ्या ‘या’ खेळाडूची टीम इंडियामध्ये एन्ट्री!
रोहित कि धोनी! भारताचा सर्वोत्तम कर्णधार कोण? अश्विनच्या उत्तराने भारतीय क्रिकेटमध्ये खळबळ
रोहित-विराट तयारीला लागा! T20 World Cup 2024 ची तारीख ठरली? उरले फक्त 9 सामने
‘पंतप्रधानांनी ड्रेसिंग रुममध्ये जाणं हे काही..’; मोदींचा उल्लेख करत रवी शास्त्री स्पष्टच बोलले
वन डेत फ्लॉप, टी20 मध्ये टॉप… सूर्यकुमार यादवच्या अपयशाची चार कारणं
यानुसार, या सिरीजतील पहिला सामना 11 जानेवारीला मोहालीमध्ये होणार आहे. तर दुसरा सामना 14 जानेवारीला इंदूरमध्ये रंगणार आहे. 3 सामन्यांची सिरीज असल्याने तिसरा सामना 17 जानेवारीला बंगळुरूमध्ये होणार आहे.
पहिल्यांदा रंगणार व्हाईट बॉल सिरीज
दोन्ही देशांदरम्यान पहिल्यांदाच पांढऱ्या बॉलची सिरीज रंगणार आहे. अफगाणिस्तान आणि भारताची टीम केवळ आयसीसी स्पर्धा किंवा आशिया चषकादरम्यान व्हाईट बॉलच्या क्रिकेटमध्ये एकमेकांसमोर आले आहेत. मात्र, आतापर्यंत दोन्ही टीम्समध्ये केवळ एकच टेस्ट सामना खेळला गेलाय.
कशी असणार आहे अफगाणिस्तानविरूद्धची सिरीज
पहिला T20I सामना – 11 जानेवारी, मोहाली
दुसरा T20I सामना – 14 जानेवारी, इंदूर
तिसरा T20I सामना – 17 जानेवारी, बंगळुरू
टी-20 मध्ये कसा आहे दोन्ही टीम्सचा रेकॉर्ड?
दोन्ही टीम्समधील हेड-टू-हेड पाहिलं तर तर ते आतापर्यंत पाच टी-20 सामन्यांमध्ये टीम इंडिया विरूद्ध अफगाणिस्तान आमने-सामने आले आहेत. त्यापैकी सर्व टीम इंडियाने जिंकले आहेत. वर्ल्डकप स्पर्धेतील अफगाणिस्तानच्या टीमने कामगिरीबद्दल इंग्लंड, पाकिस्तान, श्रीलंका आणि बांगलादेशविरुद्ध विजय नोंदवला होता.
