PMPML buses on Google Maps: पुणेकरांना आता महानगरपालिकेच्या बसचे लाइव्ह लोकेशन कळणार आहे. पुणे महानगर महामंडळाच्या बसचे लाइव्ह लोकेशन व बस किती वेळात येणार याची वेळ आता गुगल मॅपवरुन कळणार आहे. पीएमपीएलकडून या प्रोजक्टवर काम करण्यात येत असून सुरुवातीला पाच डेपोतील 20 बसमध्ये ही सुविधा सुरू करण्यात येणार आहे. intelligent transit management system च्या माध्यमातून ही सुविधा सुरू करण्यात येत आहे. यासाठी पीएमपी आणि गुगल यांच्यात करारदेखील झाला आहे.
2017 सालीदेखील पीएमपीएलने लाइव्ह लोकेशनची सेवा सुरू केली होती. जपानी कंपनीसोबत तेव्हा करार करण्यात आला होता. परिवहन मंडळाकडून पैसे देण्यास विलंब होत असल्याचे कारण देत दोन वर्षातच जपानी कंपनीने करार मागे घेतला होता.
पीएमपीतून महिन्याला लाखो प्रवासी प्रवास करतात. याच प्रवाशांच्या सोयीसाठी महामंडळाने आता गुगलसोबत करार केला आहे. गुगलकडून रिअल टाइम लोकेशन भेटल्यास त्यांचा प्रवास सुखाचा होणार आहे. सध्या या प्रकल्पावर काम करण्यात येत असून ट्रायल पिरेडवर ही सेवा सुरू होत आहे.
Related News
म्हाडाच्या घरांसाठी अर्ज भरण्यास मुदतवाढ; पुण्यासह पश्चिम महाराष्ट्रात 5863 घरांची बंपर लॉटरी
World Cup Trophy in Pune : पुणेकरांनो संधी सोडू नका…! ‘या’ वेळेत निघणार वर्ल्ड कप ट्रॉफीची भव्य मिरवणूक
पुण्यात गणपती विसर्जनासाठी गेलेल्या नागरिकांवर मधमाशांचा हल्ला; 100 जणांना घेतला चावा
Pune Rain News : पुणे शहरात मुसळधार पाऊस, पुढील 5 दिवसांसाठी अलर्ट जारी; ‘या’ भागांना झोडपलं!
मध्य प्रदेशमधून पिस्टल विक्रीसाठी पुण्यात आलेला तरुण जेरबंद: भारती विद्यापीठ पोलिसांनी सापळा रचून केली अटक
पुण्यात ‘अरेबियन नाईट्स’; परदेशी तरुणींचा विनापरवाना डान्स अन्…, सांस्कृतिक पुण्यात काय चाललंय?
Pune Crime news : पुण्यात दोन महिलांची तुंबळ हाणामारी, वडापाव तळण्याची कढई डोक्यात घातली अन्…
पुण्यातील उच्चभ्रू वस्तीत जादूटोण्याचा प्रकार; महिलेची साडी चोरून घरच्यांनीच केली करणी
पोरानेच झोपेत केले वडिलांवर सपासप वार: हल्ल्यात आईदेखील जखमी; पुण्यातील विश्रांतवाडी परिसरातील घटना
राज्यात महिला अत्याचारांत वाढ: बलात्कार, अपहरण अन् कौटुंबिक हिंसाचाराच्या घटनांत मोठी वाढ; विनयंभंगाच्या घटनाही 4 पट वाढल्या
5000 पोलिस कर्मचारी, 1800 कॅमेऱ्यांचा वॉच; पुण्यात इतका तगडा बंदोबस्त का?
‘गणेशोत्सवात तरुणांची श्रमशक्ती वाया जाते’; लेखक सुरज एंगडेंचे मत
नोव्हेंबर 2022 मध्येच हा प्रकल्प हाती घेण्यात आला होता. मात्र गुगल मॅपवर बस ट्रॅक होण्यास अडचणी येत होत्या. जीपीएसला बसचे मार्ग ट्रॅक होण्यासाठी अचूक लोकेशनची गरज होती. त्यामुळं बरेचसे तांत्रिक काम करणे आवश्यक होते. कारण पीएमपी’च्या बसमध्ये सर्व तांत्रिक गोष्टी बसवण्यात येत आहे, अशी माहिती एका अधिकाऱ्याने दिली आहे.
पीएमपीकडून आत्तापर्यंत 950 बसमधील तांत्रिक अडचणी दूर करण्यात आल्या आहेत. तर, 650 बसमध्ये अद्याप काम सुरू आहे. सप्टेंबर 15पासून चाचणी घेण्यात येणार आहे. यासाठी साधारण दोन महिन्यांचा कालावधी जाणार आहे. ही सेवा प्रत्यक्षात सुरू होण्यासाठी अद्याप नोव्हेंबरचा महिना उजाडणार आहे. पुणेकरांना या दिवाळीत ही खास भेट पीएमपीएलकडून मिळणार आहे, अशी माहिती परिवहन मंडळाच्या अधिकाऱ्यांनी दिली आहे.
पीएमपीकडे पूर्वी आयटीएमएस प्रणालीच्या माध्यमातून पीएमपी बसचे लोकेशन मिळत होते. पण ही प्रणाली बंद झाल्यानंतर पीएमपी बसची माहितीच मिळत नव्हती. आता ही नवीन सेवा सुरू झाल्यानंतर बसची सर्व माहिती मिळणार असल्याने प्रवाशांना फायदा होणार आहे.
असा करणार वापर
प्रवाशांना एखाद्या मार्गावर प्रवास करायचा असेल, तर त्यांनी तो मार्ग ‘गुगल’वर टाकल्यानंतर त्या मार्गावर धावणाऱ्या ‘पीएमपी’ बस, थांबे याची माहिती येईल.
