World Cup 2023 : पाकिस्तानच्या (Pak) संघासाठी यंदाचा वर्ल्डकप खूपच निराशाजनक ठरला आहे. यासोबत पाकिस्तानच्या संघामध्येही (Team Pakistan) काही आलबेल नाहीये असचं दिसत आहे. दुसरीकडे कर्णधार बाबर आझम (Babar Azam) आणि पाकिस्तान क्रिकेट बोर्ड (PCB) यांच्यातील दुरावा देखील आणखी वाढलेला दिसत आहे. हे सगळं नाटक एकदिवसीय वर्ल्डकपच्या मध्यावर घडत आहे. इतक्या मोठ्या स्पर्धेमध्ये पाकिस्तानच्या खराब प्रदर्शनानंतर बाबर आझमला कर्णधारपदावरून दूर केलं जाण्याची शक्यता असताना, त्याने पाकिस्तान क्रिकेट बोर्डाशी संपर्क साधण्याचा प्रयत्न केल्याचे वृत्त समोर आलं आहे. मात्र आता पाकिस्तान क्रिकेट बोर्डाचे प्रमुख झका अश्रफ (zaka ashraf) यांनी एक व्हॉट्सअॅप चॅट समोर आणून खळबळ उडवून दिली आहे.
पाकिस्तानचा माजी खेळाडू रशीद लतीफने दावा केला होता की पाकिस्तान क्रिकेट बोर्डाचे प्रमुख झका अश्रफ यांनी कर्णधार बाबर आझम यांच्याशी संपर्क साधण्याचा प्रयत्न केला होता. पण त्यांनी बाबरच्या कॉल किंवा मेसेजला कोणताही प्रतिसाद दिला नाही. मात्र, रशीद लतीफच्या दाव्यांना उत्तर देताना अश्रफ यांनी एका स्थानिक वृत्तवाहिनीला दिलेल्या मुलाखतीत सत्य सांगितलं आहे.
पाकिस्तानचा कर्णधार बाबर आझमने माझ्याशी कधीही थेट संपर्क साधला नाही, असे पाकिस्तान क्रिकेट बोर्डाचे प्रमुख झका अश्रफ यांनी म्हटलं आहे. 2023 च्या वर्ल्डकप स्पर्धेत पाकिस्तान क्रिकेट संघाची खराब कामगिरी सुरूच आहे. दुसरीकडे संघातील खेळाडूंना गेल्या काही महिन्यांपासून वेतनही मिळालेले नाही, अशीही माहिती समोर आली होती. त्यातच पाकिस्तानचा माजी यष्टिरक्षक रशीद लतीफ याने शनिवारी दावा केला होता की झका अश्रफ यांनी बाबर आझमच्या म्हणण्याकडे दुर्लक्ष केले होते. त्यामुळे उलटसुलट चर्चा झाल्या होत्या. त्यानंतर झका अश्रफ यांनी बाबर आझमसोबतचे चॅट समोर आणून खरं काय ते सांगितलं आहे.
Related News
नवीन आणि विराटच्या भांडणात उडी का घेतली? गंभीर म्हणाला, ‘कोणी पण येऊन माझ्या…’
ICCने विश्वचषक 2023 ची अंतिम खेळपट्टी चांगली मानली नाही: ऑस्ट्रेलियाने जेतेपद पटकावले होते, अहमदाबादसह 5 खेळपट्ट्यांना सरासरी रेटिंग
Virat Kohli: टी-20 WC मधून विराटची होणार हकालपट्टी? BCCI च्या पसंतीचा ‘हा’ खेळाडू घेणार कोहलीची जागा?
VIDEO: ‘गंभीरने काय केलंय हे लवकरच कळेल’; मैदानातल्या वादानंतर श्रीसंतने सांगितलं धक्कादायक सत्य
IND vs AUS Final: पुन्हा खेळवली जाणार वर्ल्डकप फायनल? कांगारूंनी केलेल्या चिटींगनंतर ICC चा निर्णय?
‘कलंक लावणारा वॉर्नर हिरो कसला?’ म्हणणाऱ्या मिचेल जॉनसनवर उस्मान ख्वाजाची सडकून टीका, म्हणतो…
‘…म्हणून आम्हीच सामान उचलून ठेवलं’; विमानतळावर फजिती झाल्यानंतर पाकिस्तानी खेळाडूने सांगितलं सत्य
‘…म्हणून तो त्या लायकीचा नाही’; डेव्हिड वॉर्नरवर भडकला मिशेल जॉन्सन
Mohammed Shami : जखमी असतानाही शमी वर्ल्ड कप खेळला? मुंबईतील डॉक्टरांचा धक्कादायक रिपोर्ट समोर!
Pakistan Cricket : याला म्हणतात गरिबी! ऑस्ट्रेलियामध्ये पोहोचताच झाला ‘इज्जतीचा फालुता’, पाहा नेमकं प्रकरण काय?
वर्ल्डकप ट्रॉफीवर पाय ठेवून अपमान का केलास? मिशेल मार्शने अखेर दिलं स्पष्टीकरण, म्हणाला ‘तुम्हाला काय…’
स्वंतत्र्य भारताची पहिली क्रिकेट टीम, टीम इंडियाच्या खेळाडुंची नावं पाहिलीत का?
अश्रफ यांनी म्हटलं की, ‘त्याने (लतीफ) सांगितले की मी बाबरचे फोन उचलत नाही. त्याने मला कधीही फोन केला नाही. संघाच्या कर्णधाराला आंतरराष्ट्रीय क्रिकेट संचालक किंवा मुख्य कार्यकारी अधिकारी यांच्याशी बोलणे आवश्यक आहे.’ बाबर आझमने फोन केल्याच्या बातम्या फेटाळून लावत अश्रफने व्हॉट्सअॅप चॅटच समोर आणले. हे व्हॉट्सअॅप चॅट बाबर आझम आणि पीसीबीचे मुख्य कार्यकारी अधिकारी सलमान नसीर यांच्यातील होते.
काय आहे व्हॉट्सअॅप चॅटमध्ये?
या चॅटमध्ये नसीर बाबर आझमला प्रश्न विचारताना दिसत आहे. ‘बाबर, टीव्ही आणि सोशल मीडियावर बातम्या येत आहेत की तू अध्यक्षांना फोन करत आहे आणि ते उत्तर देत नाहीत. तू त्यांना अलीकडेच फोन केला होतास का?’, असा सवाल नसीर यांनी विचारला. याला उत्तर देताना बाबरने, ‘सलाम सलमान भाई, मी सरांना कोणताही फोन केलेला नाही,’ असं म्हटलं आहे.
Shameful act done by @ARYNEWSOFFICIAL by leaking Babar Azam private WhatsApp messages on national tv. I agree on the manager conflict of interest bit but doing this is utter shameful act expected better from Mr Waseem badmi.@WaseemBadamipic.twitter.com/6Y0chDPXjH
— Mustafa (@Mustafasays_) October 29, 2023
दरम्यान, बाबर आझमने पीसीबी प्रमुखांशी संपर्क साधण्याचा प्रयत्न केला नसल्याचे या चॅटमधून स्पष्ट झाले आहे. मात्र हे चॅट सार्वजनिक करण्यासाठी बाबर आझमकडून परवानगी घेण्यात आली होती का, असाही प्रश्न उपस्थित होत आहे.
