प्रविण तांडेकर, झी मीडिया, भंडारा : भरधाव ट्रकने दुचाकीस्वार पती- पत्नीला चिरडल्याचा धक्कादायक प्रकार भंडाऱ्यात (Bhandara News) समोर आला आहे. यामध्ये पती पत्नीचा जागीच मृत्यू झाला असून आणखी एक महिला गंभीर जखमी झाली आहे. रविवारी ही घटना असून या अपघाताचे सीसीटीव्ही फुटेज समोर आले आहे. तुमसर-मोहाडी राज्य मार्गावरील खरबी येथे ही घटना घडली आहे. घटनेची माहिती मिळताच मोहाडी पोलिसांनी घटनास्थळी धाव घेऊन दोघांचा मृतदेह शवविच्छेदनासाठी रुग्णालयात पाठवले आहेत. तर मोहाडी पोलिसात (Bhandara Police) अपघाताची नोंद करत पोलिसांनी ट्रक चालकाला अटक केली आहे.
दुचाकीस्वार पती -पत्नी रस्त्याच्या बाजूला नातेवाईकांसोबत बोलत असताना विरुद्ध दिशेने येणाऱ्या डब्लु सी एल कंपनीचा कोळसा भरलेल्या भरधाव ट्रकने दुचाकीला धडक दिली. या धडकेनंतर दुचाकीस्वार पती -पत्नी जागीच ठार झाले. तर एक महिला गंभीर झाली आहे. तुमसर-मोहाडी राज्यमार्गवरील खरबी येथे जिल्हा परिषदेच्या शाळेसमोर घडली आहे.
भंडारा-तुमसर राज्यमार्गावरुन भंडाराहून कंपनीमध्ये कोळसा घेऊन हा ट्रक जात होता. यावेळी खरबी येथे महामार्गाच्या बाजूला दुचाकी थांबवून पती-पत्नी त्यांच्या नातेवाईक महिलेसोबत बोलत होते. यावेळी भरधाव ट्रकने दुचाकीला जोरदार धडक दिली. या धडकेत दुचाकीवरील पती-पत्नी जागीच ठार झाले. मयत दुचाकी चालक हे रेल्वेमध्ये कार्यरत होते.
Related News
2 लाखांची सोन्याची पोथ हरवल्यानंतर म्हशीवर संशय, पुढे जे झाले ते चित्रपटाच्या कथेलाही लाजवेल
Political News: …तर पंतप्रधान राजीनामा देणार का? अरविंद केजरीवाल यांचे PM मोदींना खुले चॅलेंज
गणेश विसर्जनावेळी झारखंडच्या टोळीपासून सावधान! 16 लाखांचे तब्बल 52 मोबाईल जप्त
पुण्यात गणेश विसर्जन मिरवणुकीसाठी ‘रिंग रोड’ तयार, कसा असेल? जाणून घ्या
डिओड्रंटचा इतका मोठा स्फोट की शेजारच्या घरातील काचा फुटल्या, नाशकातील धक्कादायक घटना
मनोज जरांगेंच्या मागणीत आणखी एक विघ्न; 65 लाख कागदपत्रांच्या तपासणीत धक्कादायक माहिती उघड
पत्नी माहेरी गेल्याचा राग; पतीने सासू आणि मेव्हण्याला जिवंत जाळत स्वतःलाही संपवले
तुळजापूर-सोलापूर महामार्ग उद्यापासून बंद; जिल्हाधिकाऱ्यांचा मोठा निर्णय
विधानसभा अध्यक्षांनी वाजवी वेळेची सीमारेषा ओलांडली: आता थेट कृती अन् निर्णय अपेक्षित, ठाकरे गटाच्या अनिल देसाई यांची भूमिका
‘पत्रकारांना चहा प्यायला न्यायला पहिजे म्हणजे…’; त्या’ वादग्रस्त विधानावर बावनकुळेंचं स्पष्टीकरण!
भंडाऱ्यात अंत्ययात्रेवर मधमाशांचा हल्ला, प्रेत सोडून नातेवाइकांनी काढला पळ; शेकडो जखमी
आशियाई गेम्स : सुवर्ण लक्ष्यभेद! एअर रायफलमध्ये जिंकलं गोल्ड; ठाणेकर रुद्रांश पाटीलचा वर्ल्ड रेकॉर्ड
बालचंद ठोंबरे (55 रा.वरठी) वनिता ठोंबरे (50) असे ट्रकच्या धडकेत ठार झालेल्या पती पत्नीचे नाव आहे. तर नलु दामोधर बडवाईक (40 रा खरबी) असे जखमी असलेल्या महिलेचे नाव आहे. या अपघाताचे सीसीटीव्ही फुटेज समोर आला असून ट्रक चालकाने धडक दिल्याचा थरार कैद झाला आहे.
दरम्यान, या सगळ्या घटनेनंतर घटनास्थळी नागरिकांची मोठ्या प्रमाणात गर्दी केली होती. त्यामुळे परिस्थिती नियंत्रणात ठेवण्यासाठी तुमसर-मोहाडी येथील पोलीस घटनास्थळी दाखल झाले होते. तसेच भंडारा येथील राज्य राखीव दलाचा चमू सुद्धा तिथे तैनात करण्यात आला होता.
पुलगाव-जालना राष्ट्रीय महामार्गवर केनवडजवळ खाजगी बसचा अपघात
वाशिम येथे पुसद वरून पुण्याकडे जाणाऱ्या खाजगी बसला पुलगाव-जालना राष्ट्रीय महामार्गवरील वाशिम जिल्ह्यातील केनवड जवळ अपघात झाला. भरधाव वेगात असलेल्या ट्रॅव्हल्सवरील चालकांचा नियंत्रण सुटल्याने अपघात झाल्याची घटना घडली. यामध्ये दहा ते बारा प्रवासी जखमी झाल्याची माहिती समोर येत आहे. जखमींना स्थानिक रुग्णालयात उपचार करण्यात येत आहेत.
