Defending Champions England Condition In World Cup: वर्ल्ड कप 2023 जिंकण्यासाठी सर्वात मजबूत दावेदार मानलेल्या काही संघांची फेफे उडाल्याचं चित्र मागील काही आठवड्यांमध्ये स्पर्धा सुरु झाल्यापासून पाहायला मिळत आहे. आधी रुळावरुन घसरलेला ऑस्ट्रेलियन संघ स्पर्धेत आता स्थिरावला असून अव्वल 4 मध्ये असला तरी यंदा इंग्लंडच्या संघासाठी वर्ल्ड कप अगदी भयान स्वप्न असल्याप्रमाणे ठरत आहे. इंग्लंडच्या संघाची अवस्था पाहून यांनीच खरोखर क्रिकेटचा शोध लावला का अशी अवस्था निर्माण झाल्याची चर्चा सोशल मीडियावर आहे. फलंदाजी, गोलंदाजी आणि फिल्डींगमध्येही सुमार कामगिरी करणाऱ्या इंग्लंडच्या संघातील मैदानातील कामगिरीमुळे ते टीकेचे धनी ठरत असताना हे कमी म्हणून की काय इतर संघही या विद्यमान जग्गजेत्या संघाला ट्रोल करु लागले आहेत. याच ट्रोलिंगचा एक भाग म्हणून एका क्रिकेट बोर्डाने तर इंग्लंडचा संघ एवढा वाईट पद्धतीने खेळत आहे की त्यांनी आमच्याबरोबर गल्ली क्रिकेट खेळण्यासाठी यावं अशी ऑफर दिली आहे.
पॉइण्ट्स टेबलमध्ये तळाशी आहे विद्यमान जग्गजेता संघ
सध्या इंग्लंडचं संघ पॉइण्ट्स टेबलमध्ये तळाशी आहे. इंग्लंडने आतापर्यंत वर्ल्ड कप 2023 स्पर्धेमध्ये 6 सामन्यांपैकी केवळ एक सामना जिंकला आहे. इंग्लंडला अगदी अफगाणिस्ताननेही पराभूत केलं असून त्यांनी एकूण 5 सामने गमावले आहेत. इंग्लंड सेमीफायनल्ससाठी पात्र ठरण्याची शक्यता अगदी 1 टक्का इतकी आहे. आता चॅम्पियन्स ट्रॉफीसाठी वर्ल्ड कप 2023 च्या साखळी फेरीमधील अव्वल 7 संघ पात्र ठरणार असल्याने टॉप 7 मध्ये राहण्यासाठी इंग्लंडचा प्रयत्न असणार आहे.
Related News
वर्ल्डकप ट्रॉफीवर पाय ठेवून अपमान का केलास? मिशेल मार्शने अखेर दिलं स्पष्टीकरण, म्हणाला ‘तुम्हाला काय…’
BCCI ला द्रविडच प्रशिक्षकपदी हवा: 2 वर्षांसाठी मुदतवाढ देण्याची तयारी, वर्ल्डकप फायनलनंतर करार संपला होता
‘मी कोणाचं नाव घेत नाही, पण…’, वसीम अक्रम आणि गौतम गंभीर संतापले; म्हणाले ‘देशभक्तीच्या नावाखाली…’
‘पंतप्रधानांनी ड्रेसिंग रुममध्ये जाणं हे काही..’; मोदींचा उल्लेख करत रवी शास्त्री स्पष्टच बोलले
‘बाबा पुन्हा एकदा हसतील,’ वर्ल्डकपमधील पराभवानंतर रोहित शर्माच्या लेकीचा VIDEO व्हायरल
‘सकाळी उठले तर बॉसचा मेसेज होता की..’; वर्ल्ड कप पराभवानंतर कंपनीकडून कर्मचाऱ्यांना मोठा धक्का
आधी लात मारून हाकललं, सिलेक्शनमध्येही घोटाळा.. वर्ल्ड कपनंतर मोहम्मद शमीचा गौप्यस्फोट
सूर्यकुमार कधीच विसरणार नाही 22 नोव्हेंबरची तारीख! Captain म्हणून पहिल्याच प्रेस कॉन्फरन्समध्ये..
‘सावरायला वेळ लागेल, रोहित ड्रेसिंग रुममध्ये..’; सूर्यकुमार WC Final मधील पराभवाबद्दल स्पष्टच बोलला
रोहित शर्मासाठी टीम इंडियाचं दार बंद! BCCI ने नव्या जबाबदारीसंदर्भातील चर्चेसाठी बोलावलं
‘तो बाद झाल्यानंतर…’; सूर्यकुमार यादवच्या संथ खेळीमुळे रोहित शर्माला खावी लागली बोलणी
भारत World Cup Final का हरला? अखिलेश यादव जाहीर सभेत म्हणाले, ‘..तर भगवान विष्णू..’
चला 3 सामन्यांची मालिका खेळूयात
इंग्लंडचा संघ पॉइण्ट्स टेबलमध्ये तळाशी असतानाच आयर्लंड क्रिकेट बोर्डाने इंग्लंडला खोचक पद्धतीने एक ऑफर दिली आहे. “प्रिय, इंग्लिश क्रिकेट बोर्ड, खेळपट्ट्यासंदर्भात सध्या तुम्हाला बऱ्याच अडचणी असल्याचं आमच्या लक्षात आलं आहे. 2024 च्या चॅम्पियन्स ट्रॉफीच्या पात्रता फेरीआधी सराव व्हावा म्हणून रेकजाविकमध्ये 3 सामन्यांची मालिका खेळण्याची आम्ही तुम्हाला सार्वजनिक ऑफर देत आहोत,” असं म्हणत थेट क्रिकेट सामने खेळण्याचं चॅलेंज दिलं आहे.
2060 चा वर्ल्ड कप जिंकण्याची आमची इच्छा
“अलीकडे आमच्या आयरिश चुलत भावांविरुद्ध तुम्ही खेळलात. त्यांच्या विरुद्ध तुम्ही क्रिकेट विश्वचषकासाठी सराव म्हणून तुमचा ब आणि क संघ खेळला होता. आम्हाला आशा आहे की तुम्ही तुमचा अ दर्जाचा संघ आमच्याविरुद्ध खेळण्यासाठी घेऊन याल. आम्ही क्रिकेटमध्ये झपाट्याने प्रगती करत असलेला देश आहोत. अजून आम्ही क्रिकेटमध्ये फार लहान असलो तरी 2060 चा वर्ल्ड कप (सॅल्मन फिशिंगचा वर्ल्ड कप) जिंकण्याची महत्त्वाकांक्षा आम्ही उराशी बाळगली आहे,” असं या पोस्टच्या दुसऱ्या परिच्छेदात म्हटलं आहे. “तुमच्या उत्तराची आम्ही वाट पाहत आहोत. तुमचीच गंमतीदार आइसलँडिक क्रिकेट असोसिएशन”, असं म्हणत पत्राचा शेवट करण्यात आला आहे. तुम्हीच पाहा ही पोस्ट…
Dear @ECB_cricket,
We have noticed your recent problems on the pitch. We wish to extend to you a public offer to play a three match warm-up series in Reykjavík in advance of your participation in the Champions Trophy qualifiers in 2024.
Unlike versus our Irish cousins…
— Iceland Cricket (@icelandcricket) October 31, 2023
इंग्लंडच्या संघाचे वर्ल्ड कपमधील 3 सामने बाकी आहेत.
