Mohammed Shami On Indian Team Management : मोहम्मद शमी नावाच्या वादळात वर्ल्ड कपमधील अनेक खेळाडू बेपत्ता झाले होते. 7 सामन्यात 24 विकेट घेऊन मोहम्मद शमीने वर्ल्ड कपमध्ये (World Cup 2023) धुरळा उडवला होता. त्याचबरोबर शमीने (Mohammed Shami) यंदाच्या वर्ल्ड कपमध्ये अनेक रेकॉर्ड देखील मोडीस काढले आहेत. शमीला यंदाच्या वर्ल्ड कपमधील पहिल्या 4 सामन्यात संधी मिळाली नव्हती. अशातच आता याच मुद्द्यावरून मोहम्मद शमीने मोठा खुलासा केला आहे.
काय म्हणाला Mohammed Shami ?
वर्ल्ड कप (World Cup 2023) सुरू होण्यापूर्वी मला सांगण्यात आलं होतं की, मी पहिल्या सामन्यापासून खेळणार आहे. पण मला पहिल्या तीन आणि त्यानंतर चौथ्या सामन्यात देखील संधी मिळाली नाही. तेव्हा मला वाटलं की काहीतरी गडबड आहे, असा खुलासा शमीने केला आहे. जेव्हा मी संघ पाहतो तेव्हा असं वाटतं की प्रत्येकजण चांगली कामगिरी करतोय. या काळात तुम्हाला मानसिकदृष्ट्या खंबीर राहावं लागतं. तुमच्या मनावर नियंत्रण ठेवावं लागेल, असं शमीने म्हटलं आहे.
मी खेड्यातील माणूस आहे आणि म्हणून मी माझी पार्श्वभूमी लक्षात ठेवतो. मी कधीच पिच पाहायला जात नाही, पिच पाहून त्याचा दबाव का घ्यायचा? असा सवाल देखील मोहम्मद शमीने विचारला आहे. त्यावेळी शमीने त्याची बालपणीची आठवण देखील सांगितली. लहानपणी मला आश्चर्य वाटायचं की, लोक भर उन्हात क्रिकेट का खेळतात? मी निवांत मी आंब्याच्या बागेत आंबे खात बसून मॅच बघायचो, असं म्हणत त्याने आठवणींना उजाळा दिला आहे.
Related News
SA vs IND : दुसऱ्या टी-ट्वेंटी सामन्याची अचानक वेळ बदलली, BCCI मुळे गोंधळ! पाहा कधी सुरू होणार सामना?
U-19 World Cup 2024 : वर्ल्ड कपचं वेळापत्रक जाहीर, जाणून घ्या टीम इंडियाचे सामने कधी आहेत?
रोहित शर्मा यो-यो फिटनेस चाचणीत उत्तीर्ण होतो का? भारतीय संघाच्या प्रशिक्षकानं खरं काय ते सांगितलं
रोहित शर्मा जाड दिसतो, विराट कोहलीपेक्षा जास्त…; भारतीय संघाच्या प्रशिक्षकाचं मोठं विधान
IND vs SA 1st T20I : पहिल्याच सामन्यात पावसाचा खोडा; टॉसविना सामना रद्द, मालिकेची रंगत वाढली!
रोहित शर्माची कॅप्टन्सी राहणार की जाणार? जय शहा यांनी स्पष्टच सांगितलं, म्हणतात ‘टी-ट्वेंटी वर्ल्ड कप…’
WPL 2024 Auction : टॅक्सी ड्राईव्हरची लेक झाली मालामाल; मुंबई इंडियन्सच्या ताफ्यात ‘लेडी हार्दिक पांड्या’
WPL Auction 2024 : टॅक्सी ड्राईव्हरची लेक झाली मालामाल, मुंबई इंडियन्सच्या ताफ्यात ‘लेडी हार्दिक पांड्या’
IND vs SA : टी-ट्वेंटी मालिकेआधी रिंकू सिंहचा मोठा खुलासा, म्हणतो ‘राहुल द्रविड यांनी मला सांगितलंय की…’
बॅट घेऊन मारायला निघालेल्या Sikandar Raza ला आयसीसीने दाखवला नियम, पाहा काय केलं?
शिंदे गटाच्या आमदारांच्या उलट तपासणीत अत्यंत खळबळजनक खुलासा; शिवसेना आमदार अपात्रता प्रकरण
ICCने विश्वचषक 2023 ची अंतिम खेळपट्टी चांगली मानली नाही: ऑस्ट्रेलियाने जेतेपद पटकावले होते, अहमदाबादसह 5 खेळपट्ट्यांना सरासरी रेटिंग
प्यूमा इंडियाशी बोलताना शमीने 2015 च्या वर्ल्ड कपची आठवण देखील सांगितली. 2015 च्या वर्ल्ड कपपूर्वी माझ्या गुडघ्याला सूज आली होती. त्यावेळी माझ्याकडे फक्त 2 पर्याय होते. एक म्हणजे मी जाऊन वर्ल्ड कप सोडून शस्त्रक्रिया करावी आणि दुसरं म्हणजे वर्ल्ड कप खेळावा. मी दुसरा पर्याय निवडला. देशासाठी खेळण्याची संधी कोण सोडेल का? मी प्रत्येक सामन्यानंतर हॉस्पिटलला जाऊन इंजेक्शन घेत होतो, असा खुलासा शमीने केला आहे.
आणखी वाचा – योगी आदित्यनाथ यांचं मोहम्मद शमीला खास गिफ्ट, वर्ल्ड कप फायनलआधीच केली घोषणा!
दरम्यान, सेमीफायनलमध्ये न्यूझीलंडविरुद्ध 7 विकेट घेत शमीने इतिहास रचला. एकदिवसीय क्रिकेटमध्ये 7 विकेट घेणारा तो एकमेव भारतीय खेळाडू आहे. वर्ल्ड कपच्या इतिहासात 50 विकेट पूर्ण करणारा खेळाडू म्हणजे मोहम्मद शमी… 2015 चा वर्ल्ड कप असो वा 2019 चा वर्ल्ड कप… तिन्ही वर्ल्ड कपमध्ये शमीने अद्वितिय बॉलिंग केलीये. आयपीएलमध्ये पर्पल कॅप पटकवणारे अनेक असतील. पण देशासाठी विकेट्स खोलणारा एकच होता.. मोहम्मद शमी…!
