वर्ल्डकप स्पर्धेत भारत आणि पाकिस्तान संघ आमने-सामने आला तेव्हा सर्वांच्या नजरा पाकिस्तानी गोलंदाजांकडे होत्या. हा सामना खरं तर भारताचे आक्रमक फलंदाज आणि पाकिस्तानचे भेदक गोलंदाज यांच्यात होता. पण पाकिस्तानचे गोलंदाज फक्त भारतच नाही, तर संपूर्ण वर्ल्डकप स्पर्धेतच अपयशी ठरले आहेत. तर दुसरीकडे भारतीय गोलंदाज अनपेक्षित कामगिरी करत आहेत. याशिवाय जेव्हा भारतीय आणि पाकिस्तानी गोलंदाजांची तुलना केली जाते तेव्हा जसप्रीत बुमराह आणि शाहीन आफ्रिदी यांचा उल्लेख केला जातो. वर्ल्डकपच्या निमित्ताने पुन्हा एकदा दोघांची चर्चा असून वसीम अक्रमने याचं उत्तर दिलं आहे. वसीम अक्रमने तोंडभरुन भारतीय गोलंदाजाचं कौतुक केलं आहे.
वर्ल्डकपआधी जखमी असल्याने जसप्रीत बुमराह तब्बल वर्षभर मैदानापासून दूर होता. पण संघात पुनरागमन केल्यापासून बुमराह जबरदस्त फॉर्ममध्ये आहे. वर्ल्डकपमधील प्रत्येक सामन्यात त्याने आपली छाप सोडली आहे. जसप्रीत बुमराहच्या गोलंदाजीवर वसीम अक्रम फिदा झाला असून, जगातील सर्वोत्तम गोलंदाज असं कौतुक केलं आहे. जसप्रीत बुमराहची तुलना अनेकदा शाहीन आफ्रिदीशी केली जात असून, वसीम अक्रमने आपल्या उत्तराने या चर्चेला पूर्णविराम दिला आहे.
“बुमराह सध्या जगातील सर्वोत्तम गोलंदाज आहे. तो पहिल्या क्रमांकावर आहे. नियंत्रण, वेग, बदल…तो एक सर्वगुणी गोलंदाज आहे. त्याला पाहणं म्हणजे पर्वणी आहे. चेंडू नवा असतानाही अशा मैदानावर अशी गोलंदाजी करणं म्हणजे जबरदस्त आहे. तो एक संपूर्ण गोलंदाज आहे,” असं वसीम अक्रमने सांगितलं.
Related News
टीम इंडियात सलामीसाठी तगडी चुरस, 3 वर्षात 32 ओपनर्स… पाहा कोणाचं पारडं जड
‘…त्या क्षणी मी क्रिकेट सोडून देणार’, आर अश्विनने स्पष्टच सांगितलं, ‘मला संघात स्थान…’
‘…म्हणून आम्हीच सामान उचलून ठेवलं’; विमानतळावर फजिती झाल्यानंतर पाकिस्तानी खेळाडूने सांगितलं सत्य
‘जर उद्या माझा मुलगा खेळला…’, लाराने ‘या’ भारतीय खेळाडूचं घेतलं नाव; विशेष म्हणजे तो तेंडुलकर नाही
‘बाळा जरा शांत हो…’, पाकिस्तानच्या स्टार खेळाडूने कोहलीला पाठवला होता मेसेज; सहकाऱ्याचा मोठा खुलासा
‘माझी मानसिक स्थिती योग्य नसल्याने…,’ आर अश्विनने पहिल्यांदाच केला खुलासा, ‘सकाळी उठताना जेव्हा…’
विराट कोहली 2031 चा वर्ल्डकप खेळेल का? चाहत्याच्या प्रश्नावर वॉर्नर स्पष्टच म्हणाला, ‘तो फार काळ…’
अजिंक्य रहाणे, चेतेश्वर पुजाराचं युग संपलं? सौरव गांगुलीचं मोठं विधान, म्हणाला ‘आता वेळ आली आहे की…’
IND vs AUS : टीम इंडियाचा ‘मालिका विजय’, पण पाकिस्तानला बसला धक्का; सूर्याच्या कॅप्टन्सीत रचला इतिहास!
अजिंक्य रहाणे, चेतेश्वर पुजाराच्या क्रिकेट कारकिर्दीचा The End, ‘या’ युवा खेळाडूंनी घेतली जागा
IND vs AUS: चौथ्या सामन्यापूर्वी टीममध्ये मोठे फेरबदल; 6 खेळाडूंना अचानक दाखवला बाहेरचा रस्ता
‘तुमचीही इच्छा नसेल की…,’ BCCI ने द्रविडचा प्रशिक्षकपदाचा कार्यकाळ वाढवल्यानंतर गंभीरचं स्पष्ट मत
If wasim akram is praising your skill in bowling and saying bumrah has better control than him . It means you already become a legend . Long live bumrah . Best in the world. #WorldCup2023
pic.twitter.com/gTGSf8eLTC— kirat_13 (@kirat1313_) October 30, 2023
तसंच वसीम अक्रमने जेव्हा नवा चेंडू हाताळण्याची वेळ येते तेव्हाही बुमराहच चांगला गोलंदाज आहे असा दावा केला आहे. “जेव्हा बुमराह डाव्या हाताच्या फलंदाजाला अराऊंट दे विकेट चेंडू टाकतो आणि सीमवर चेंडू मारतो… आणि जेव्हा तो क्रीजच्या वाइडवरून गोलंदाजी करतो तेव्हा फलंदाजाला वाटतं की चेंडू आत येत आहे. पण चेंडू खेळपट्टीवर आदळतो आणि आत येण्याऐवजी दूर जातो. बर्‍याच वेळा, तुम्हाला तो चेंडू कळत नाही. जेव्हा मी उजव्या हाताच्या फलंदाजांना नवीन चेंडूने असे आउटस्विंगर्स टाकायचो, तेव्हा कधी-कधी मला ते जमत नव्हते. चेंडूवरही नियंत्रण ठेवा. पण बुमराहकडे माझ्यापेक्षा नवीन चेंडूवर नक्कीच चांगले नियंत्रण आहे,” असं बुमराहने सांगितलं.
वसीम अक्रमने यावेळी उपहासात्मकपणे म्हटलं की, बुमराहला रोखायचं असेल तर विरोधी संघाला त्याचे स्पाइक्स चोरावे लागतील. “बुमराह ज्या लांबीने चेंडू टाकतो, त्यामुळे फलंदाजासाठी अनिश्चितता निर्माण होते. त्याच्यावर दबाव टाकायचा असेल तर त्याचे स्पाईक्स चोरी करा. हाच एकमेव मार्ग आहे,” असं तो म्हणाला.
“पाकिस्तानी गोलंदाजांपेक्षा बुमराह अधिक घातक का आहे, कारण तो अधिक कसोटी क्रिकेट खेळतो, तर आमचे गोलंदाज ते मोठ्या लांब फॉरमॅटमध्ये खेळत नाहीत,” असं अक्रमने स्पष्ट केलं.
