Most Popular CM Of India Survey: 2024 च्या लोकसभा निवडणुकीतील (Lok Sabha Election 2024) जागांच्या संदर्भात इंडिया टुडे-सीव्होटर मूड ऑफ द नेशनचं सर्वेक्षण प्रसिद्ध झालं आहे. ज्यामध्ये देशातील सर्व राज्यांतील जनतेचा कौल जाणून घेण्यात आला. या सर्वेक्षणात लोकसभेतील जागांच्या मुल्यांकनासह भारताच्या 30 मुख्यमंत्र्यांच्या कामगिरीचं मूल्यांकन करण्यास सांगितलं होतं. ज्यामध्ये एकूण 134,487 लोकांनी सहभाग घेतला आणि त्यांचा लोकप्रिय मुख्यमंत्री निवडला. उत्तर प्रदेशचे मुख्यमंत्री योगी आदित्यनाथ (Uttar Pradesh CM Yogi Adityanath) हे सध्या भारताचे सर्वाधिक लोकप्रिय मुख्यमंत्री असल्याचं सर्वेक्षणाच्या निष्कर्षातून स्पष्ट झालं आहे.
15 जुलै ते 14 ऑगस्ट दरम्यान झालेल्या या सर्वेक्षणात लोकांना विचारण्यात आलेलं की, त्यांच्या मते देशाचा सर्वोत्तम मुख्यमंत्री कोण? याला प्रत्युत्तर म्हणून जास्तीत जास्त 43 टक्के लोकांनी योगी आदित्यनाथ यांना भारताचे नंबर 1 मुख्यमंत्री म्हटलं आहे. तर दिल्लीचे मुख्यमंत्री अरविंद केजरीवाल (Delhi CM Arvind Kejriwal) यांना दुसरं स्थान मिळालं आहे. या महिन्यात जाहीर झालेल्या सर्वेक्षणात असं दिसून आलं की, 19 टक्के लोक केजरीवाल यांना लोकप्रिय मुख्यमंत्री मानतात. मात्र, याच प्रश्नावर जानेवारी 2023 मध्ये झालेल्या सर्वेक्षणानुसार योगी आदित्यनाथ यांची लोकप्रियता 4 टक्क्यांनी वाढली, तर दिल्लीच्या मुख्यमंत्र्यांना तीन टक्के कमी मतं मिळाली आहे. या यादीत इतर कोणत्या मुख्यमंत्र्यांची नावं आहेत, ते जाणून घेऊयात सविस्तर…
Related News
Loksabha Election 2024 : बारामतीत लोकसभेत चुरस रंगणार, नणंद विरुद्ध भावजय आमने सामने येणार
‘पत्रकारांना चहा प्यायला न्यायला पहिजे म्हणजे…’; त्या’ वादग्रस्त विधानावर बावनकुळेंचं स्पष्टीकरण!
वाघिणीच्या बछड्याचे ‘आदित्य’ नाव ठेणवण्यास मुनगंटीवारांचा विरोध; दानवे म्हणाले, ‘तरीही आदित्य जास्त तळपत राहील’
एकनाथ खडसे रावेरमधून लोकसभा लढवणार? रावेर मतदारसंघात होऊ शकतो सूनबाई विरुद्ध सासरे असा लढा
G20 परिषद कधीपासून आणि कोणत्या उद्देशाने सुरू झाली? जाणून घ्या, सर्व काही सविस्तर
मोदी सरकारला टक्कर देण्यासाठी इंडियाचा जबरदस्त प्लान; काय आहे रनर अप फॉर्म्युला?
मोदींचे 200 तर काँग्रेसचे कर्नाटकात 2000, निवडणुकीच्या वर्षात महिलांसाठी भेटीचा वर्षाव
2024 च्या लोकसभा निवडणुकीत AAP च्या झाडूची जादू चालणार?
ममता बॅनर्जींनी अंतराळवीर राकेश शर्मांऐवजी राकेश रोशनला पाठवलं चंद्रावर’; नक्की काय म्हणाल्या?
आगामी लोकसभा निवडणुकांमध्ये ‘ही’ 6 राज्य NDA चं टेन्शन वाढवणार? सर्वेक्षणाचा निष्कर्ष धक्कादायक
आज मतदान झाले तर लोकसभा निवडणुकीत महाराष्ट्रात कोण मारणार बाजी? पाहा सर्वेतील जनमत कौल
Narayan Rane: तुमची ‘औकात’ काढेल म्हणणाऱ्या राणेंचा Video व्हायरल; प्रियंका चतुर्वेदींचा जोरदार हल्लाबोल!
हेही आहेत लोकप्रिय मुख्यमंत्री
देशातील लोकप्रिय मुख्यमंत्र्यांच्या यादीत पश्चिम बंगालच्या मुख्यमंत्री ममता बॅनर्जी (West Bengal CM Mamata Banerjee) यांचं नाव तिसऱ्या क्रमांकावर आहे. त्यांना एकूण 8.8 टक्के मतं मिळाली आहे. तर, चौथ्या क्रमांकावर तामिळनाडूचे मुख्यमंत्री एमके स्टॅलिन (Tamil Nadu CM MK Stalin) आहेत, त्यांना लोकांनी केवळ 5.6 टक्के मतं दिली आहेत. त्यानंतर ओडिशाचे मुख्यमंत्री नवीन पटनायक (Odisha CM Naveen Patnaik) हे 3 टक्के मतांसह पाचव्या क्रमांकासह सर्वाधिक लोकप्रिय मुख्यमंत्र्यांच्या यादीत सहभागी झाले आहेत. दरम्यान, महाराष्ट्राचे मुख्यमंत्री एकनाथ शिंदे यांचा मात्र या यादीतील टॉप 5 मुख्यमंत्र्यांमध्ये समावेश झालेला नाही.
देशातील सर्वात लोकप्रिय मुख्यमंत्री
योगी आदित्यनाथ : 43 टक्के
अरविंद केजरीवाल : 19 टक्के
ममता बनर्जी : 8.8 टक्के
एमके स्टालिन : 5.6 टक्के
नवीन पटनायक : 3 टक्के
कोणाची लोकप्रियता वाढली अन् कोणाची कमी झाली?
या वर्षी जानेवारीमध्ये झालेल्या इंडिया टुडे मूड ऑफ द नेशन सर्वेक्षणाच्या आकडेवारीवर नजर टाकली तर गेल्या सर्वेक्षणापेक्षा यावेळी अरविंद केजरीवाल यांची लोकप्रियता तीन टक्क्यांनी वाढली आहे. दिल्लीच्या मुख्यमंत्र्यांना जानेवारी 2023 मध्ये 16 टक्के मतं मिळाली होती. त्याचबरोबर ममता बॅनर्जी यांची लोकप्रियताही वाढली आहे. या वर्षी जानेवारीत त्यांना 7.3 टक्के मतं मिळाली होती, तर सध्या 8.8 टक्के मतांसह ते तिसरे सर्वाधिक लोकप्रिय मुख्यमंत्री आहेत.
एमके स्टॅलिन हे देशातील 30 लोकप्रिय मुख्यमंत्र्यांमध्ये चौथ्या क्रमांकावर आहेत. तामिळनाडूच्या मुख्यमंत्र्यांना या वर्षी जानेवारीच्या सर्वेक्षणात 4.6 टक्के मतं मिळाली, जी सध्याच्या आकडेवारीपेक्षा एक टक्क्यानं कमी होती. सर्वेक्षणानुसार नवीन पटनायक या शर्यतीत पाचव्या क्रमांकावर आहेत. गेल्या जानेवारीत झालेल्या सर्वेक्षणात त्यांना 3.4 टक्के मतं मिळाली होती. त्यानुसार ताज्या सर्वेक्षणात त्यांची लोकप्रियता 0.4 नं कमी झाली आहे.
महत्त्वाच्या इतर बातम्या :
