Pakistan Team Arrived In India: भारतात येत्या 5 ऑक्टोबरपासून आयसीसी एकदिवसीय विश्वचषक स्पर्धेला सुरुवात होतेय. या स्पर्धेसाठी पाकिस्तान क्रिकेट संघ (Pakistan Cricket Team) भारतात दाखल झाला आहे. तब्बल सात वर्षांनंतर पाकिस्तान खेळाडूंनी भारताच्या जमिनीवर पाऊल ठेवलं आहे. याआधी पाकिस्तान क्रिकेट संघ 2016 मध्ये टी20 विश्वचषक (T20 World Cup 2016) स्पर्धा खेळण्यासाठी भारतात आला हातो. आता 2023 मध्ये एकदिवसीय विश्वचषक खेळण्यासाठी बाबर आझमच्या (Babar Azam) नेतृत्वाखाली पाकिस्तानचा संघ भारतात आलाय. पाकिस्तानचा पहिला सामना 6 ऑक्टोबरला नेदरलँडशी रंगणार आहे. तर 10 ऑक्टोबरला पाकिस्तान श्रीलंकेशी दोन हात करेल.
करोडो क्रिकेट प्रेमींना प्रतीक्षा असलेला भारत-पाकिस्तान (India vs Pakistan) सामना 14 ऑक्टोबरला खेळवला जाणार आहे. अहमदाबादच्या नरेंद्र मोदी स्टेडिअमवर हा सामना होईल. याआधी एशिया कप स्पर्धेत भारत-पाकिस्तान संघ आमने सामने आले होते. श्रीलंकेतल्या कोलंबोत झालेल्या या सामन्यात भारताने पाकिस्तानवर ऐतिहासिक विजय मिळवला होता.
भारत-पाकिस्तान वर्ल्ड कप रेकॉर्ड
एकदिवसीय विश्वचषक स्पर्धेत टीम इंडियाचा पाकिस्तानविरुद्धचा रेकॉर्ड जबरदस्त आहे. आतापर्यंत झालेल्या विश्वचषक स्पर्धेत भारत आणि पाकिस्तान तब्बल 7 वेळा भिडले आहेत, आणि या सातही सामन्यात भारताने पाकिस्तानला धुळ चारली आहे. 1992, 1996, 1999, 2003, 2011, 2015 आणि 2019 या सातही विश्वचषक स्पर्धेत पाकिस्तान क्रिकेट संघाला एकदाही भारतीय संघावर विजय मिळवता आलेला नाही. शेवटच्या म्हणजे 2019 च्या विश्वचषक स्पर्धेत टीम इंडियाने पाकिस्तानचा 89 धावांनी पराभव केला होता. या सामन्यात भारताने पहिली फलंदाजी करताना 5 विकेटच्या मोबदल्यात तब्बल 336 धावा केल्या होत्या. सामन्यात पावसाने व्यत्यय आणल्याने पाकिस्तानला विजयासाठी 40 षटकात 302 धावांचं आव्हान देण्यात आलं. पण पाकिस्तान संघाला 6 विकेट गमावत केवळ 212 धावा बनवत्या आल्या. हा सामना भारताने 89 धावांनी जिंकला.
Related News
Pakistan Cricket : याला म्हणतात गरिबी! ऑस्ट्रेलियामध्ये पोहोचताच झाला ‘इज्जतीचा फालुता’, पाहा नेमकं प्रकरण काय?
वर्ल्डकप ट्रॉफीवर पाय ठेवून अपमान का केलास? मिशेल मार्शने अखेर दिलं स्पष्टीकरण, म्हणाला ‘तुम्हाला काय…’
BCCI ला द्रविडच प्रशिक्षकपदी हवा: 2 वर्षांसाठी मुदतवाढ देण्याची तयारी, वर्ल्डकप फायनलनंतर करार संपला होता
‘मी कोणाचं नाव घेत नाही, पण…’, वसीम अक्रम आणि गौतम गंभीर संतापले; म्हणाले ‘देशभक्तीच्या नावाखाली…’
‘पंतप्रधानांनी ड्रेसिंग रुममध्ये जाणं हे काही..’; मोदींचा उल्लेख करत रवी शास्त्री स्पष्टच बोलले
‘बाबा पुन्हा एकदा हसतील,’ वर्ल्डकपमधील पराभवानंतर रोहित शर्माच्या लेकीचा VIDEO व्हायरल
‘सकाळी उठले तर बॉसचा मेसेज होता की..’; वर्ल्ड कप पराभवानंतर कंपनीकडून कर्मचाऱ्यांना मोठा धक्का
आधी लात मारून हाकललं, सिलेक्शनमध्येही घोटाळा.. वर्ल्ड कपनंतर मोहम्मद शमीचा गौप्यस्फोट
सूर्यकुमार कधीच विसरणार नाही 22 नोव्हेंबरची तारीख! Captain म्हणून पहिल्याच प्रेस कॉन्फरन्समध्ये..
‘सावरायला वेळ लागेल, रोहित ड्रेसिंग रुममध्ये..’; सूर्यकुमार WC Final मधील पराभवाबद्दल स्पष्टच बोलला
विश्वचषकानंतर आयसीसी एकदिवसीय क्रमवारीत मोठा उलटफेर, कोहलीची ‘विराट’ झेप
रोहित शर्मासाठी टीम इंडियाचं दार बंद! BCCI ने नव्या जबाबदारीसंदर्भातील चर्चेसाठी बोलावलं
क्रिकेट विश्व कप के प्रैक्टिस मैच से पहले पाकिस्तान की क्रिकेट टीम हैदराबाद पहुंची।#CricketWorldCup2023 pic.twitter.com/BnR5vMUzwg
— ANI_HindiNews (@AHindinews) September 27, 2023
शेवटच्या 10 एकदिवसीय सामन्यांतील कामगिरी
भारत आणि पाकिस्तान संघात आतापर्यंत 134 आंतरराष्ट्रीय एकदिवसीय सामने खेळवण्यात आले. यात 56 एकदिवसीय सामन्यात भारताने विजय मिळवला. तर 73 एकदिवसीय सामन्यात पाकिस्तानने बाजी मारली आहे. पण शेवटच्या 10 एकदिवसीय सामन्यातील कामगिरी पाहिली तर भारताचं पारडं जड आहे. दहापैकी सात सामन्यात भारताने पाकिस्तानचा पराभव केला आहे. तर केवळ दोन सामन्यात पाकिस्तानला विजय मिळवता आला आहे. एक सामना पावसामुळे अनिर्णित राहिला.
पाकिस्ताने भारताला एकदिवसीय सामन्यात शेवटचं 2017 मध्ये हरवलं होतं. आयसीसी चॅम्पियन ट्ऱॉफीतला फायनलचा हा सामना होता. पाकिस्तानने टीम इंडियाचा 180 धावांनी पराभव केला होता.
